യൂറോപ്പില് ക്രൈസ്തവര് ഏറ്റവും വെല്ലുവിളി നേരിടുന്ന രാജ്യം യു.കെ.
ലണ്ടന് : യൂറോപ്യന് ഭൂഖണ്ഡത്തില് ക്രൈസ്തവര് ഏറ്റവും കൂടുതല് വെല്ലുവിളി നേരിടുന്ന രാജ്യമായി യു.കെ. മാറുന്നതായി റിപ്പോര്ട്ട്.
ഒബ്സര്വേറ്ററി ഓണ് ഇന്ടോളറന്സ് ആന്ഡ് ഡിസ്ക്രിമിനേഷന് എഗ്നിസ്റ്റ് ക്രിസ്ത്യന് ഇന് യൂറോപ്പ് പുറത്തുവിട്ട റിപ്പോര്ട്ടിലാണ് ഇത് വ്യക്തമാക്കുന്നത്. അന്തര്ദ്ദേശീയ മനുഷ്യാവകാശ ദിനമായിരുന്ന ഡിസംബര് 10-നാണ് റിപ്പോര്ട്ട് പ്രസിദ്ധീകരിച്ചത്.
2019-2020 വര്ഷങ്ങളില് യൂറോപ്പില് 70 ശതമാനത്തോളം ക്രൈസ്തവ വിരുദ്ധ സംഭവങ്ങള് വര്ദ്ധിച്ചു. ഇതില് യഥാക്രമം യു.കെ., ജര്മ്മിനി, ഫ്രാന്സ്, സ്പെയ്ന്, സ്വീഡന് എന്നീ രാജ്യങ്ങളാണ് മുന്നില് .
ഇവിടങ്ങളില് ക്രൈസ്തവ വിശ്വാസത്തിന്റെ പേരില് വിശ്വാസികള് വലിയ എതിര്പ്പുകളും വെല്ലുവിളികളും നേരിട്ടു വരികയാണ്.
ക്രൈസ്തവ വിശ്വാസത്തിന്റെ പേരില് അതിക്രമങ്ങള് , ആരാധനാലയങ്ങള് തീവെച്ചു നശിപ്പിക്കല് , സെമിത്തേരി പ്രശ്നങ്ങള് , മതസ്വാതന്ത്ര്യം ഹനിക്കല് തുടങ്ങിയ അസഹിഷ്ണതകള് വിശ്വാസികള് നേരിടുന്നു.
യൂറേപ്പിലെ അതിക്രമങ്ങള്ക്ക് പിന്നില് മത അസഹിഷ്ണത, ഇസ്ളാമിക മതമൌലിക വാദികളുടെ എതിര്പ്പുകള് എന്നിവയാണ് പ്രധാനമായും ഉള്ളത്. ഒഐഡിസി ഡയറക്ടര് മാഡേലിന് എന്സില് ബെര്ജര് 60 പേജുള്ള റിപ്പോര്ട്ടാണ് പുറത്തുവിട്ടത്.
