Category: Articles

കുടുംബം ദൈവീക ദാനമാണ് കുടുംബ ബന്ധങ്ങള്‍ തകരുന്ന വാര്‍ത്തകള്‍ അനുദിനം വന്നുകൊണ്ടിരിക്കുന്നു. വാര്‍ത്താ മാദ്ധ്യമങ്ങളില്‍ ഇത്തരം സംഭവങ്ങള്‍ക്കു പുതുമകളൊന്നുമില്ല എന്നതാണ് പ്രത്യേകത. വ്യക്തികളോ കുടുംബാംഗങ്ങള്‍ ഒന്നിച്ചോ ആത്മഹത്യ ചെയ്യുന്നു. വിവാഹ ബന്ധങ്ങള്‍ വേര്‍ പിരിയുന്നു. ഭര്‍ത്താവ് ഭാര്യയെ ഉപേക്ഷിക്കുന്നു, ഭാര്യ ഭര്‍ത്താവിനെ ഉപേക്ഷിച്ചു പോകുന്നു, കുട്ടികളെ അനാഥാലയങ്ങളില്‍ എത്തിക്കുന്നു. ഇതൊക്കെ നമ്മുടെ നാട്ടില്‍ സ്ഥിരം സംഭവങ്ങളാണ്. കുടുംബം എന്നത് ദൈവീക ദാനമാണ്. അതിന്റെ അടിസ്ഥാനം ദൈവമാണ്. അടിസ്ഥാനം മാറ്റിയാല്‍ എല്ലാം തകിടം മറിയും. കുടുംബത്തെ സംരക്ഷിക്കേണ്ട ചുമതല […]

പ്രവൃത്തികള്‍ വിജയിക്കണമെങ്കില്‍ നാവുകൊണ്ട് എല്ലാവര്‍ക്കും എന്തും പറയുവാന്‍ കഴിയും. മനസ്സുകൊണ്ട് തീരുമാനിക്കാനും കഴിയും. എന്നാല്‍ പ്രവൃത്തിയില്‍ അത് നടപ്പിലാക്കിയോ? ചിലര്‍ തങ്ങളുടെ പെരുമാറ്റവും ജീവിതരീതികളിലെ ന്യൂനതകളും തിരുത്തിക്കൊള്ളാമെന്ന് തീരുമാനിക്കും. മറ്റു ചിലര്‍ ഇനി ദൈവത്തില്‍ കൂടുതല്‍ ആശ്രയിക്കുമെന്നും ആരാധനകളും കൂട്ടായ്മകളും മുടക്കുകയില്ലെന്നും തീരുമാനിക്കും. മറ്റുചിലര്‍ ദൈവവേലയില്‍ കൂടുതല്‍ ശക്തമാകുമെന്നും പ്രതിഷ്ഠിക്കും. മേല്‍പ്പറഞ്ഞ മൂന്നുകാര്യങ്ങളും തീരുമാനിക്കുന്നതും പ്രതിഷ്ഠിക്കുന്നതും മനുഷ്യന്‍തന്നെയാണ്. അല്ലാതെ ദൈവമല്ല. അങ്ങനെയെങ്കില്‍ ദൈവത്തെ കുറ്റപ്പെടുത്താനും മറക്കില്ലായിരുന്നു. ശ്രദ്ധിക്കുക, ഇവിടെ നാംതന്നെയാണ് ഓരോ തീരുമാനങ്ങള്‍ എടുക്കുന്നതും അവലോകനം ചെയ്യുന്നതും. […]

സംശുദ്ധമായ ജീവിതം നയിക്കുക അനേക കുടുംബ ബന്ധങ്ങള്‍ തകര്‍ന്നുകൊണ്ടിരിക്കുന്ന കാലഘട്ടമാണിന്ന്. പഴയ കാലത്തേക്കാള്‍ വേഗത്തിലാണ് പലരുടെയും കുടുംബ ബന്ധങ്ങള്‍ തകരുന്നത്. പ്രത്യേകിച്ച് കാരണങ്ങള്‍ ഒന്നും ഉണ്ടാകണമെന്നില്ല. നിസ്സാര കാര്യങ്ങള്‍ക്കു പോലും പരസ്പരം വഴക്കു കൂടുകയും അക്രമത്തിന്റെ വക്കിലെത്തുകയും, വേര്‍പിരിഞ്ഞു ജീവിക്കുകയും, വക്കീല്‍ നോട്ടീസുകള്‍ അയയ്ക്കുകയും ചെയ്യുന്ന പ്രവണതകള്‍ കൂടിക്കൊണ്ടിരിക്കുകയാണ്. ഇതിന്റെയെല്ലാം പിന്നിലെ പ്രധാന കാരണം സ്നേഹമില്ലായ്മയാണ്. പിന്നെ പരസ്പര വിശ്വാസക്കുറവും. അവിശ്വാസികളുടെ ഇടയില്‍ സര്‍വ്വസാധാരണമായ ഇത്തരം സ്വഭാവങ്ങള്‍ ഇന്നു നല്ലൊരു വിഭാഗം ക്രൈസ്തവ കുടുംബങ്ങളേയും സ്വാധീനിച്ചിരിക്കുകയാണ്. പെന്തക്കോസ്തു […]

പരസ്യ വാചകങ്ങളില്‍ മുഴുകുന്നവര്‍ പരസ്യത്തെ ആശ്രയമാക്കിയാണ് സമൂഹം ഇന്ന് എന്തും ഏതും ചെയ്തു കൂട്ടുന്നത്. വ്യവസായ വാണിജ്യ ഉല്‍പ്പന്നങ്ങള്‍ ‍, തൊഴിലിനെ സംബന്ധിച്ച് അറിയിപ്പുകള്‍ തുടങ്ങി ആത്മീയ കാര്യങ്ങളില്‍ പോലും ഇന്ന് പരസ്യബോര്‍ഡുകളും വിളംബരങ്ങളും ഇന്ന് നാടിനെ ഇളക്കി മറിച്ചുകൊണ്ടിരിക്കുന്നു. മാധ്യമങ്ങളിലൂടെ നല്‍കുന്ന പരസ്യങ്ങള്‍ കൂടാതെ പൊതുനിരത്തുകള്‍ ‍, പൊതുസ്ഥലങ്ങള്‍ ‍, സ്വകാര്യസ്ഥലങ്ങള്‍ എന്നിവിടങ്ങളിലും പരസ്യബോര്‍ഡുകള്‍ കൈയ്യടക്കി വെച്ചിരിക്കുന്നു. നാട്ടില്‍ നിന്നുതിരിയുവാന്‍പോലും ഇടമില്ലാതെയാണ് പതിനായിരക്കണക്കിനു രൂപ ചിലവാക്കിയുള്ള ഇത്തരം പരസ്യബോര്‍ഡുകള്‍ നാട്ടില്‍ സ്ഥാപിച്ചിരിക്കുന്നത്. ഉടമസ്ഥര്‍ തങ്ങളുടെ ഉല്‍പ്പന്നങ്ങള്‍ […]

കുട്ടികളോടു കാട്ടുന്ന അതിക്രമം നമ്മുടെ നാട്ടില്‍ നടക്കുന്ന പീഢനങ്ങള്‍ ‍, കൊലപാതകങ്ങള്‍ ‍, കുട്ടികള്‍ക്കെതിരെ നടത്തുന്ന അതിക്രമങ്ങള്‍ ഇവ എന്തുതന്നെയായാലും നമ്മുടെ ഇടയില്‍ ഒരിക്കലും സംഭവിച്ചു കൂടാത്ത വലിയ കുറ്റകൃത്യങ്ങള്‍ തന്നെയാണ്. തിരിച്ചറിവുള്ള, വിവേക ബുദ്ധിയുള്ള മനുഷ്യന്‍ വകതിരിവില്ലാത്ത മൃഗങ്ങളേപ്പോലും ലജ്ജിപ്പിക്കുന്ന തരത്തില്‍ പിഞ്ചു കുഞ്ഞുങ്ങളോടുപോലും വലിയ ക്രൂരതകള്‍ കാണിക്കുന്ന വാര്‍ത്തകള്‍ എത്രയോ റിപ്പോര്‍ട്ടു ചെയ്യപ്പെടുന്നു. ജാതി മത ഭേദമെന്യേ എല്ലാ വിഭാഗങ്ങളിലും ഇങ്ങനെയുള്ള സംഭവങ്ങള്‍ കണ്ടുവരുന്നു. ഇങ്ങനെയുള്ള സംഭവങ്ങള്‍ ഇനി ഈ നാട്ടില്‍ നടന്നുകൂടാ. കുഞ്ഞുങ്ങള്‍ […]

അന്ധവിശ്വാസങ്ങള്‍ പെരുകുന്നു അന്ധവിശ്വാസത്തിന്റെ പേരില്‍ എന്തെല്ലാം ഈ നാട്ടില്‍ സംഭവിക്കുന്നു. അങ്ങനെയുള്ള സംഭവങ്ങളുടെ റിപ്പോര്‍ട്ടുകള്‍ വരുന്നത് മലയാളികളെ ശരിക്കും ഞെട്ടിക്കുന്നു. നിരവധി മഹാന്മാരും, ക്രൈസ്തവ മിഷണറിമാരും പോരാടി കേരളത്തിന്റെ അന്ധകാരം മാറ്റി വെളിച്ചം പകര്‍ന്ന ഈ മണ്ണില്‍ മനുഷ്യ മനസ്സുകളെ ലജ്ജിപ്പിക്കുന്ന തരത്തിലുള്ള സംഭവം ഉണ്ടാകുന്നത് ഏറെ അപമാനകരമായ കാര്യമാണ്. നാട്ടില്‍ വിദ്യാസമ്പന്നര്‍ കൂടുമ്പോഴും ഇതുപോലെയുള്ള അന്ധവിശ്വാസങ്ങളും അനാചാരങ്ങളും കേരളത്തില്‍ ഇപ്പോഴും നടക്കുന്നത് വളരെ ദുഃഖകരമായ കാര്യമാണ്. ഒരു വ്യക്തിയുടെ ഭാവി സുനിശ്ചിതമാകുവാനും രക്ഷപെടുവാനുംവേണ്ടി മറ്റൊരു ജീവനെ […]

പകര്‍ച്ച വ്യാധികളും അശ്രദ്ധയും കേരളത്തില്‍ പകര്‍ച്ചപ്പനി വീണ്ടും വ്യാപകമായി. പതിവു വൈറല്‍പ്പനി, ഡെങ്കിപ്പനി, എലിപ്പനി, മലമ്പനി എന്നീ വ്യാധികളാണ് ജനങ്ങളെ ദുരിതത്തിലാക്കിയിരിക്കുന്നത്. രോഗം വന്നു മൂര്‍ച്ഛിക്കുമ്പോഴാണ് പലരും തിരിച്ചറിഞ്ഞ് ചികിത്സതേടുന്നത്. അപ്പോഴേക്കും ചികിത്സ ഫലിക്കാതെ വരുന്നു. ഇതുമൂലം മരണസംഖ്യ ഉയരുന്നു. ആയിരങ്ങളാണ് ചികിത്സതേടി വിവിധ ആശുപത്രികളില്‍ അഭയം തേടുന്നത്. പകര്‍ച്ചവ്യാധികള്‍ പെരുകുന്നതിനു കാരണം നമ്മുടെതന്നെ വീഴ്ചകളാണ്. വീടും പരിസരങ്ങളും പൊതുസ്ഥലങ്ങളും വൃത്തിഹീനമാകുന്നതുമൂലമാണ് എലികളും കൊതുകുകളും ക്ഷുദ്രജീവികളും പെരുകുവാന്‍ ഇടവരുന്നത്. ആദ്യം നമ്മള്‍ വീടും പരിസരങ്ങളും പൊതുസ്ഥലങ്ങളും ശുചിയായി […]

സ്ഥാപനവല്‍ക്കരണവും ക്രൈസ്തവ നീതിയും ക്രൈസ്തവ മിഷണറിമാര്‍ നൂറ്റാണ്ടുകള്‍ക്കുമുന്‍പു തുടങ്ങിവെച്ച സാമൂഹിക സാംസ്കാരിക വിദ്യാഭ്യാസ പുരോഗതിയിലധിഷ്ഠിതമായ സേവനങ്ങള്‍ ഇന്ത്യയെത്തന്നെ വളരെയേറെ മാറ്റിയെടുത്തിരിക്കുന്നു. അപരിഷ്കൃതരായി ജീവിച്ച മനുഷ്യവര്‍ഗ്ഗത്തെ യഥാര്‍ത്ഥ മനുഷ്യരാക്കിയത് ക്രൈസ്തവ മിഷണറിമാരുടെ ത്യാഗോജ്ജ്വലമായ കര്‍മ്മ പ്രവര്‍ത്തനങ്ങള്‍ മൂലമായിരുന്നു. ആ പാത പിന്‍പറ്റിയ ക്രൈസ്തവ പിതാക്കന്‍മാര്‍ സമൂഹത്തിന്റെ ഇടയില്‍ നല്ല മാതൃകാപരമായ പ്രവര്‍ത്തനങ്ങള്‍ കാഴ്ചവെയ്ക്കുകയുണ്ടായി. സുവിശേഷപ്രവര്‍ത്തനങ്ങളുടെ ഭാഗമായി അവര്‍ ആശുപത്രികള്‍ ‍, അനാഥശാലകള്‍ ‍, വിദ്യാഭ്യാസ സ്ഥാപനങ്ങള്‍ തുടങ്ങിയ ജനോപകാരപ്രവര്‍ത്തനങ്ങളും ചെയ്തിരുന്നു. എന്നാല്‍ ഈ സാമൂഹിക സേവനങ്ങള്‍ സുവിശേഷ പ്രവര്‍ത്തനങ്ങളുടെ […]