കാന്‍സര്‍ തിരിച്ചു വരുന്നതു തടയാന്‍ വാക്സിന്‍; പരീക്ഷണം വിജയം
ലണ്ടന്‍: സ്കിന്‍ കാന്‍സര്‍ (മെലനോമ) ചികിത്സയില്‍ വിപ്ളവകരമായ മുന്നേറ്റത്തിനു വഴിതെളിച്ച് ലോകത്തിലെ ആദ്യത്തെ വ്യക്തിഗത കാന്‍സര്‍ വാക്സിന്‍ പരീക്ഷണം വിജയിച്ചു.
ശസ്ത്രക്രീയയ്ക്കുശേഷം കാന്‍സര്‍ വീണ്ടും വരാനുള്ള സാദ്ധ്യത അല്ലെങ്കില്‍ രോഗികള്‍ മരിക്കാനുള്ള സാദ്ധ്യത 45 ശതമാനം വരെ കുറയ്ക്കാന്‍ ഈ വാക്സിനു സാധിച്ചതായി ക്ളിനിക്കല്‍ ട്രയലിന്റെ ഫലങ്ങള്‍ വ്യക്തമാക്കുന്നു.
ലോകപ്രശസ്ത മരുന്നു നിര്‍മ്മാണ കമ്പനികളായ എംഎസ്ഡിയും മോ ഡെനോയും ചേര്‍ന്നാണ് ഇന്റിസ്മെറാന്‍ എന്ന ഈ വാക്സിന്‍ വികസിപ്പിച്ചെടുത്തത്.
പരമ്പരാഗത ഇമ്മ്യുണോ തെറാപ്പി മരുന്നായ കെട്രൂഡയോടൊപ്പം ഈ വാക്സിന്‍ കൂടി നല്‍കിയപ്പോള്‍ രണ്ടു വര്‍ഷത്തിനുള്ളില്‍ ശരീരത്തിലെ മറ്റു ഭാഗങ്ങളിലേക്ക് കാന്‍സര്‍ പടരാനുള്ള സാദ്ധ്യത 38 ശതമാനം കുറഞ്ഞു.
ഓരോ രോഗിയുടെയും ട്യൂമറിന്റെ ജനിതക ഘടന പരിശോധിച്ച് അവര്‍ക്കായി പ്രത്യേകം തയ്യാറാക്കുന്നതാണ് ഈ വാക്സിന്‍. ഇത് രോഗപ്രതിരോധ വ്യവസ്ഥയെ കാന്‍സര്‍ കോശങ്ങളെ തിരിച്ചറിഞ്ഞ് നശിപ്പിക്കാന്‍ പരിശീലിപ്പിക്കുന്നു.
1,137 മെലിനോമ രോഗികളിലാണ് പരീക്ഷണം നടത്തിയത്. മെലനോമയ്ക്കു പുറമേ വൃക്ക, മൂത്രാശയം, ശ്വാസകോശം എന്നീ അവയവങ്ങളെ ബാധിക്കുന്ന കാന്‍സറുകക്ക്കെതിരെയും ഈ വാക്സിന്‍ പരീക്ഷിച്ചു വരികയാണ് നിര്‍മ്മാതാക്കള്‍.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ
നിങ്ങൾ സമർപ്പിക്കുന്ന അഭിപ്രായങ്ങൾ അഡ്മിൻ പരിശോധിച്ചു അംഗീകരിച്ചതിനു ശേഷം മാത്രമേ സൈറ്റിൽ പ്രസിദ്ധീകരിക്കുകയുള്ളൂ.