ജയില്‍ മോചിതനായ ചൈനീസ് പാസ്റ്റര്‍ക്ക് യഹൂദ കൂട്ടക്കൊലയെ അതിജീവിച്ചയാളുടെ പേരില്‍ പുരസ്ക്കാരം
വാഷിംഗ്ടണ്‍: ചൈനയിലെ ഏറ്റവും വലിയ രഹസ്യ പ്രൊട്ടസ്റ്റന്റ് ചര്‍ച്ചിനു നേതൃത്വം നല്‍കിയതിനു 9 മാസം ജയിലില്‍ കഴിഞ്ഞ ഒരു ചൈനീസ് പാസ്റ്റര്‍ക്ക് യു.എസ്. കോണ്‍ഗ്രസില്‍ സേവനമനുഷ്ഠിച്ച ഏക ഹോളോകോസ്റ്റ് അതിജീവിച്ചയാളിന്റെ പേരിലുള്ള മനുഷ്യാവകാശ പുരസ്ക്കാരം പ്രഖ്യാപിച്ചു.
ചൈനയില്‍ ഇപ്പോഴും തടവില്‍ കഴിയുന്ന എട്ട് സഹപ്രവര്‍ത്തകര്‍ക്കായി വാദിക്കുന്ന പാസ്റ്റര്‍ എസ്രജിന്‍ മിംഗ്രിക്ക് 2026-ലെ ലാന്റോസ് മനുഷ്യാവകാശ പുരസ്ക്കാരം നല്‍കുമെന്ന് സംഘാടകര്‍ പറഞ്ഞു. ഡിസംബര്‍ 10ന് വാഷിംഗ്ടണില്‍ അവാര്‍ഡ് നല്‍കും.
ചൈനീസ് അധികൃതരുടെ വര്‍ഷങ്ങളായുള്ള സമ്മര്‍ദ്ദം വകവയ്ക്കാതെ മതസ്വാതന്ത്ര്യം സംരക്ഷിക്കുന്നതിനും ബീജിംഗിലെ സയോണ്‍ ചര്‍ച്ചിനെതിരെ വ്യാപകതമായ അടിച്ചമര്‍ത്തലുകള്‍ക്കുമിടയില്‍ ജയിലിലടയ്ക്കപ്പെട്ടതിനുമുള്ള അംഗീകാരമായാണ് ഈ അവാര്‍ഡെന്ന് ലാന്റോസ് ഫൌണ്ടേഷന്‍ ഫോര്‍ ഹ്യൂമന്‍ റൈറ്റ്സ് ആന്‍ഡ് ജസ്റ്റിസ് പറഞ്ഞു.
1928-ല്‍ ഹംഗറിയിലെ ബുഡാപെസ്റ്റില്‍ ഒരു യഹൂദ കുടുംബത്തില്‍ ജനിച്ച ലാന്റോസ് രണ്ടാം ലോക മഹായുദ്ധ കാലത്ത് ഹിറ്റ്ലറുടെ നാസി പീഢനത്തെ അതിജീവിച്ച ആളാണ്.
പിന്നീട് കാലിഫോര്‍ണിയയില്‍നിന്നുള്ള ഡെമോക്രാറ്റിക് കോണ്‍ഗ്രസ് അംഗമായി. ലാന്റോസ് മരണപ്പെട്ട ശേഷം അദ്ദേഹത്തിന്റെ സ്മരണാര്‍ത്ഥമാണ് അവാര്‍ഡ് ഏര്‍പ്പെടുത്തിയത്.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ
നിങ്ങൾ സമർപ്പിക്കുന്ന അഭിപ്രായങ്ങൾ അഡ്മിൻ പരിശോധിച്ചു അംഗീകരിച്ചതിനു ശേഷം മാത്രമേ സൈറ്റിൽ പ്രസിദ്ധീകരിക്കുകയുള്ളൂ.