യോര്‍ദ്ദാനിലെ ചര്‍ച്ചില്‍ ശവസംസ്ക്കാര ശുശ്രൂഷയ്ക്കിടെ വെടിവെയ്പ്; 9 മരണം
അമ്മാന്‍: വെള്ളിയാഴ്ച യോര്‍ദ്ദാനിലെ ഒരു ക്രിസ്ത്യന്‍ ആരാധനാലയത്തില്‍ നടന്ന ശവസംസ്ക്കാര ശുശ്രൂഷയ്ക്കിടെ തോക്കുധാരികള്‍ നടത്തിയ വെടിവെയ്പില്‍ 9 പേര്‍ മരിക്കുകയും 40 പേര്‍ക്ക് പരിക്കേല്‍ക്കുകയും ചെയ്തു.
തലസ്ഥാനമായ അമ്മാനില്‍നിന്ന് 180 കിലോമീറ്റര്‍ അകലെയുള്ള കരാക്കിലെ ഒരു ഗ്രീക്ക് ഓര്‍ത്തഡോക്സ് ചര്‍ച്ചിലാണ് ആക്രമണം നടന്നത്.
ശവസംസ്ക്കാരം ആരംഭിച്ച് 15 മിനിറ്റുകരള്‍ക്ക് ശേഷം ആയുധ ധാരികളായ 3 പേര്‍ ചര്‍ച്ചിനു നേരെ വെടിവെയ്ക്കുകയും ആളുകള്‍ നിലവിളിച്ചുകൊണ്ട് ഓടാന്‍ തുടങ്ങിയെന്നും ദൃക്സാക്ഷികള്‍ പറഞ്ഞു.
കാരക് ഒരു ന്യൂനപക്ഷ ക്രിസ്ത്യന്‍ ജനസംഖ്യയുടെ ആസ്ഥാനമാണ്. പ്രതികളാരെന്ന് കണ്ടെത്തിയിട്ടില്ല.
സംഭവത്തില്‍ യോര്‍ദ്ദാന്‍ രാജാവ് അബ്ദുള്ള രണ്ടാമന്‍ പ്രതികരിച്ചു. ഏറ്റവും കഠിനമായ ശിക്ഷകളോടെ പ്രതികളെ നേരിടും.
രക്തസാക്ഷികളുടെ കുടുംബങ്ങള്‍ക്ക് തന്റെ അഗാധമായ അനുശോചനം അറിയിക്കുകയും പരിക്കേറ്റവര്‍ക്ക് സൌഖ്യം ആശംസിക്കുകയും ചെയ്തു. സംഭവത്തില്‍ സുരക്ഷാ യോഗത്തില്‍ യോര്‍ദ്ദാന്‍ പ്രധാനമന്ത്രിയും ശക്തമായി അപലപിച്ചു.
ഭീകരവാദ പ്രത്യശാസ്ത്രത്തിന്റെയും അന്ധമായ തീവ്രവാദത്തിന്റെയും ഫലമാണിത്. ശക്തമായ നടപടി എടുക്കുമെന്ന് പ്രധാനമന്ത്രി ജാഫര്‍ ഹസ്സന്‍ പറഞ്ഞു.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ
നിങ്ങൾ സമർപ്പിക്കുന്ന അഭിപ്രായങ്ങൾ അഡ്മിൻ പരിശോധിച്ചു അംഗീകരിച്ചതിനു ശേഷം മാത്രമേ സൈറ്റിൽ പ്രസിദ്ധീകരിക്കുകയുള്ളൂ.