20 രാജ്യങ്ങളിലെ തടവുകാര്ക്ക് 6,20,000 ബൈബിളുകള് വിതരണം ചെയ്യുന്നു
20 രാജ്യങ്ങളിലെ തടവുകാര്ക്ക് 6,20,000 ബൈബിളുകള് വിതരണം ചെയ്യുന്നതിനുള്ള പുതിയ അഞ്ചു വര്ഷത്തെ കരാര് പ്രിസണ് ഫെലോഷിപ്പ് ഇന്റര്നാഷണലും ബൈബിള് ലീഗ് ഇന്റര് നാഷനലും പ്രഖ്യാപിച്ചു. 2019-ല് ആരംഭിച്ച ഒരു പങ്കാളിത്തത്തെ അടിസ്ഥാനമാക്കിയാണ് ഈ സംരംഭം രൂപപ്പെടുന്നത്.
പ്രിസണ് ഫെലോഷിപ്പ് ഇന്റര്നാഷണലിന്റെ ഇന്-ജയില് പ്രോഗ്രാമായ ദി പ്രിസണേഴ്സ് ജേര്ണി പൂര്ത്തിയാക്കിയ തടവുകാര്ക്ക് ഇതിനകം 5,70,000-ത്തില് അധികം ബൈബിളുകള് വിതരണം ചെയ്തിട്ടുണ്ട്.
ലോകമെമ്പാടുമുള്ള 700-ലധികം ജയിലുകളില് ഈ പരിപാടി വാഗ്ദാനം ചെയ്യുന്നു. കൂടാതെ തടവുകാരെ ക്രിസ്തീയ വിശ്വാസത്തിലേക്ക് പരിചയപ്പെടുത്തുക എന്നതാണ് ഇതിന്റെ ലക്ഷ്യം.
എട്ട് ഭാഷകളിലായി വിതരണം ചെയ്യുന്ന ബൈബിളുകള് തടവിലാക്കപ്പെട്ട വായനക്കാര്ക്കായി പ്രത്യേകം തയ്യാറാക്കിയതാണ്. കൂടാതെ ജയില് ജീവിതത്തില് നേരിടുന്ന വെല്ലുവിളികളെ അഭിസംബോധന ചെയ്യുന്ന 52 പഠന സാമഗ്രികളും ഇതില് ഉള്പ്പെടുന്നു.
പ്രോഗ്രാം ബിരുദ ധാരികള്ക്ക് ആവശ്യമായ ബൈബിളിന്റെ 70 ശതമാനത്തിലധികവും നിലവില് ബൈബിള് ലീഗ് ഇന്റര്നാഷണല് വിതരണം ചെയ്യുന്നു. ഈ പങ്കാളിത്തത്തിലൂടെ, ഞങ്ങളുടെ ജയില് പരിപാടികളിലൂടെ യേശുവിനെ അറിയുന്ന തടവുകാര്ക്ക് മനസ്സിലാക്കാന് കഴിയുന്ന ഒരു ബൈബിളിലൂടെ അവരുടെ വിശ്വാസത്തില് വളരാന് സജ്ജമാക്കുന്നു.
പ്രിസണ് ഫെലോഷിപ്പ് ഇന്റര്നാഷണലിന്റെ ഗ്ളോബല് ഇംപാക്ട് വൈസ് പ്രസിഡന്റ് ഫ്രാങ്ക് ലൊഫാരോ ഒരു പ്രസ്താവനയില് പറഞ്ഞു.
ലോകത്തിലെ ഏറ്റവും പാര്ശ്വവല്ക്കരിക്കപ്പെട്ട ചില ആളുകളിലേക്ക് തിരുവെഴുത്തുകളുടെ സത്യം എത്തിക്കുന്നു. ബൈബിള് ലീഗ് ഇന്റര്നാഷണലിന്റെ പ്രോഗ്രാം ഡെവലപ്മെന്റിന്റെ സീനിയര് വൈസ് പ്രസിഡന്റ് ജോനാഥാന് ആഡംസ് പറഞ്ഞു.
യഥാക്രമം രണ്ടു മിഷന് സംഘടനകളും 1979-ലും 1939-ലും സ്ഥാപിതമായതാണ്.
