യു.എസില് നിന്നും നാടു കടത്താന് സാദ്ധ്യതയുള്ള ഭൂരിപക്ഷം പേരും ക്രിസ്ത്യാനികളെന്ന് റിപ്പോര്ട്ട്
ട്രംപ് ഭരണകൂടം അമേരിക്കയില്നിന്ന് നാടുകടത്താന് സാദ്ധ്യതയുള്ള 10 ദശലക്ഷം അനധികൃത കുടിയേറ്റക്കാരില് 80 ശതമാനം പേരും ക്രിസ്ത്യാനികളാണെന്ന് ക്രിസ്ത്യന് അഭിഭാഷക ഗ്രൂപ്പുകളുടെ ഒരു കൂട്ടായ്മ പ്രസിദ്ധീകരിച്ച പുതിയ റിപ്പോര്ട്ടില് പറയുന്നു.
ശരീരത്തിന്റെ ഒരു ഭാഗം: അമേരിക്കന് ക്രിസ്ത്യന് കുടുംബങ്ങളില് നാടു കടത്തലിന്റെ സാദ്ധ്യതയുള്ള ആഘാതം എന്ന തലക്കെട്ടോടെ കഴിഞ്ഞ ദിവസം പുറത്തിറങ്ങിയ റിപ്പോര്ട്ടിലാണ് ഈ വിവരം. നാടുകടത്തലിനു സാദ്ധ്യതയുള്ള കുടിയേറ്റക്കാരില് അഞ്ച് പേരില് നാലുപേരും ക്രിസ്ത്യാനികളാണെന്ന് കണ്ടെത്തി.
യു.എസ്. ചരിത്രത്തിലെ ഏറ്റവും വലിയ നാടുകടത്തല് നടപ്പിലാക്കുമെന്ന് പ്രസിഡന്റ് ഡൊണാള്ഡ് ട്രംപ് ആവര്ത്തിച്ചു. കൂടാതെ യു,എസിലെ 12 ക്രിസ്ത്യാനികളില് ഒരാള് നാടുകടത്തലിന് വിധേയമാകുകയോ നാടുകടത്താന് സാദ്ധ്യതയുള്ള ഒരു കുടുംബത്തോടൊപ്പം താമസിക്കുകയോ ചെയ്യുന്നു. റിപ്പോര്ട്ടില് പറയുന്നു.
2024 അവസാനത്തോടെ നാടുകടത്തലിന് വിധേയരായ 10 ദശലക്ഷത്തിലധികം ക്രിസ്ത്യന് കുടിയേറ്റക്കാര് അമേരിക്കിലുണ്ടായിരുന്നത്രെ. നാഷണല് അസോസിയേഷന് ഓഫ് ഇവാഞ്ചലിക്കല്, യു.എസ്. കോണ്ഫറന്സ് ഓഫ് കാത്തലിക് ബിഷപ്പിന്റെ ഡിപ്പാര്ട്ട്മെന്റ് ഓഫ് റെഫ്യൂജി ആന്ഡ് മൈഗ്രേഷന് സര്വ്വീസസ്, സെന്റര് ഫോര് ദി സ്റ്റഡി ഓഫ് ഗ്ളോബല് ക്രിസ്റ്റ്യാനിറ്റി അറ്റ് ഗോള്ഡന് കണ്വെല് തിയോളജിക്കല് സെമിനാരി ആന്ഡ് വേള്ഡ് റിലീഫ് എന്നിവ പുറത്തിറക്കിയ പ്രസിദ്ധീകരണത്തില് പറയുന്നു.
നാടുകടത്തലിനു സാദ്ധ്യതയുള്ളവരുടെ ഒരേ വീട്ടില് ഏകദേശം 7 ദശലക്ഷം യു.എസ് പൌരന്മാരായ ക്രിസ്ത്യാനികള് താമസിക്കുന്നു. 20 പേജുള്ള റിപ്പോര്ട്ടില് പറയുന്നു.
നിയമവിരുദ്ധമായി യു.എസില് താമസിക്കുന്ന കുടിയേറ്റക്കാരെയും ട്രംപ് ഭരണകൂടം അവരുടെ നിയമപരമായ പരിരക്ഷകള് റദ്ദാക്കിയതോ ഇതിനകം റദ്ദാക്കലിനു സാദ്ധ്യതയുള്ളവരോ ശിക്ഷയുള്ള പൌരന്മാരല്ലാത്ത വിഭാഗങ്ങളെയും ഈ കണക്കില് ഉള്പ്പെടുത്തുന്നു.
സ്വന്തം രാജ്യങ്ങളിലെ സാഹചര്യങ്ങള് കാരണം താല്ക്കാലിക സംരക്ഷിത പദവികളുള്ള കുടിയേറ്റക്കാര്, ചൈല്ഡ് ഹുഡ് അറൈവല് സ്വീകര്ത്താക്കള്ക്കുള്ള മാറ്റിവെച്ച നടപടി , അവരുടെ അവകാശങ്ങള് തീര്പ്പാക്കുന്നതുവരെ യു.എസില് തുടരുന്ന, അഭയം തേടുന്നവര് എന്നിവരും ഇതില് പെടുന്നു. നാടുകടത്തലിനു വിധേയരാകുന്ന കുടിയേറ്റക്കാരില് ഭൂരിഭാഗവും കത്തോലിക്കരാണ്.
61 ശതമാനം. അതേസമയം 13 ശതമാനം സുവിശേഷകരും 7 ശതമാനം മറ്റ് ക്രിസ്ത്യന് ഗ്രൂപ്പുകളില്നിന്നുള്ളവരുമാണ്. ബാക്കി 19 ശതമാനം പേര് മറ്റ് മതവിഭാഗങ്ങളില് നിന്നുള്ളവരോ മതപരമായ ബന്ധമില്ലാത്തവരോ 12 ശതമാനം കുടിയേറ്റക്കാരാണ്.
അമേരിക്കയില് വിവിധ രാജ്യങ്ങളില് നിന്നുള്ള കുടിയേറ്റക്കാര് ക്രിസ്തുവിന്റെ ശരീരത്തിന്റെ അവിഭാജ്യ ഘടകങ്ങളാണ്. എന്എഇ പ്രസിഡന്റ് വാള്ട്ടര് കിം, വേള്ഡ് റിലീഫ് സിഇഒ മ്യല് ഗ്രിന്, എല് പാബോയിലെ റോമന് കത്തോലിക്കാ രൂപതാ ബിഷപ് മാര്ക്ക് സിറ്റ്സ്, ഗോള്ഡന് കോണ്വെല് തിയോളജിക്കല് സെമിനാരിയിലെ സെന്റര് ഫോര് ദി സ്റ്റഡി ഓഫ് ഗ്ളോബല് ക്രിസ്റ്റ്യാനിറ്റിയുടെ സഹ ഡയറക്ടര് ടോഡ് ജോണ്സണ് എന്നിവര് ഒപ്പിട്ട ഒരു കത്തും റിപ്പോര്ട്ടില് ഉള്പ്പെടുന്നു.
നമ്മുടെ ശരീരത്തിന്റെ ഭാഗമായ കുടിയേറ്റക്കാരില് ഒരു പ്രധാന പങ്ക് നാടുകടത്തലിന് ഇരയാകുന്നു. അവര്ക്ക് നിയമപരമായ പദവി ഇല്ലാത്തതിനാലോ അല്ലെങ്കില് അവരുടെ നിയമപരമായ പരിരക്ഷകള് പിന്വലിക്കുന്നതിനാലോ ആകാം കത്തില് പറയുന്നു.
