An unknown liquid was recovered from a 2000-year-old tomb in China

ചൈനയില്‍ 2000 വര്‍ഷം പഴക്കമുള്ള കല്ലറയില്‍നിന്നും അജ്ഞാത ദ്രാവകം കണ്ടെടുത്തു

Breaking News Top News

ചൈനയില്‍ 2000 വര്‍ഷം പഴക്കമുള്ള കല്ലറയില്‍നിന്നും അജ്ഞാത ദ്രാവകം കണ്ടെടുത്തു
ലണ്ടന്‍ ‍: ചൈനയിലെ ഹെനാന്‍ പ്രവിശ്യയിലെ സാന്‍മെന്‍ഷിയയിലെ നിര്‍മ്മാണ പ്രവര്‍ത്തനങ്ങള്‍ നടത്തി വന്നിരുന്ന സ്ഥലത്തു മണ്ണിനടിയില്‍ കല്ലറയില്‍ പാത്രത്തിനുള്ളില്‍ സൂക്ഷിച്ചിരുന്ന അജ്ഞാത ദ്രാവകം കണ്ടെത്തി.

ഇവിടെ ജോലി ചെയ്തിരുന്ന തൊഴിലാളികളാണ് ആദ്യം ഈ വിവരം അറിഞ്ഞത്. തുടര്‍ന്ന് സാന്‍മെന്‍ഷിയ ആര്‍ക്കിയോളജി ഇന്‍സ്റ്റിറ്റ്യൂട്ടിലെ ഗവേഷകരെ വിവിരം അറിയിച്ചു. വിശദമായ പരിശോധനയില്‍ അരയന്നത്തിന്റെ ആകൃതിയിലുള്ള ഒരു വെങ്കല പാത്രവും അതിനുള്ളില്‍ ബ്രൌണ്‍ നിറത്തിലുള്ള ഒരു നിഗൂഢ ദ്രാവകവും കണ്ടെത്തുകയായിരുന്നു.

2,000 വര്‍ഷം പഴക്കമുള്ള ഈ കല്ലറ ഒരു ചൈനീസ് സൈനികന്റേതായിരിക്കാം. ചൈനയിലെ ക്വിന്‍ രാജവംശത്തിന്റെയോ (221 ബിസി-207 ബിസി), ഹാന്‍ രാജവംശത്തിന്റെയോ (2020 ബിസി-എഡി 220) നിര്‍മ്മിതമാണ് ഈ കല്ലറ എന്നാണ് ഗവേഷകരുടെ പ്രാഥമിക നിഗമനം.

കല്ലറയ്ക്കുള്ളില്‍ കണ്ടെത്തിയ വെങ്കല പാത്രത്തിനുള്ളില്‍ 3 ലിറ്റര്‍ അജ്ഞാത ദ്രാവകമാണ് ഉള്ളത്. കൂടാതെ വെങ്കലത്തില്‍ത്തന്നെ നിര്‍മ്മിതമായ ഒരു ശിരോകവചം, പാത്രം, വാളുകള്‍ തുടങ്ങിയവയും കണ്ടെത്തി.

ദ്രാവകത്തിനുള്ളില്‍ ഏതോ വസ്തു അടിഞ്ഞുകൂടി കിടന്നിരുന്നു. ദ്രാവകം ഏതാണെന്നു കണ്ടുപിടിക്കാനായി സാമ്പിളുകള്‍ വിദഗ്ദ്ധ പരിശോധനയ്ക്കായി ബീജിംഗിലേക്ക് അയച്ചിരിക്കുകയാണ്.