ദൈവത്തിനെതിരായി സാത്താന്‍ പറഞ്ഞത് കുറിച്ചുവെച്ച ലിപിയുടെ അര്‍ത്ഥം പുറത്ത്

ദൈവത്തിനെതിരായി സാത്താന്‍ പറഞ്ഞത് കുറിച്ചുവെച്ച ലിപിയുടെ അര്‍ത്ഥം പുറത്ത്
റോം: 346 വര്‍ഷങ്ങള്‍ക്കു മുമ്പ് ദേഹത്ത് സാത്താന്‍ പ്രവേശിച്ച കന്യാസ്ത്രീ കുറിച്ചുവെച്ച കത്തിന്റെ ലിപിയുടെ അര്‍ത്ഥം പുറത്തു വന്നു.

ലോകത്താര്‍ക്കും പരിചയമില്ലാത്തൊരു ഭാഷയിലായിരുന്നു കത്ത്. 1676 ആഗസ്റ്റ് 11-ന് നടന്ന ഈ സംഭവത്തിന്റെ നിഗൂഢതയുടെ ചുരുള്‍ ഒരു സംഘം ഗവേഷകരാണ് അഴിച്ചത്.

ഇറ്റലിയിലെ ലഡം സയന്‍സ് സെന്ററിന്റെ നേതൃത്വത്തിലുള്ള ഗവേഷക സംഘം ഏറെ നാളത്തെ പരിശ്രമത്തിന്റെ ഒടുവിലാണ് ലിപി കമ്പ്യൂട്ടറിന്റെ സഹായത്തോടെ വായിച്ചെടുത്തത്.

ഇറ്റലിയിലെ പ്രമുഖ നഗരമായിരുന്ന സിസിലിയിലെ പല്‍മഡി മൊണ്ടി ഷിയാരോ എന്ന കോണ്‍വെന്റില്‍ ജീവിച്ചിരുന്ന സിസ്റ്റര്‍ മരിയ ക്രോസിഫിസ ഡെല്ല (31) എന്ന കന്യാസ്ത്രീയുടെ ശരീരത്തിലാണ് സാത്താന്‍ പ്രവേശിച്ചത്.

പ്രേതാവേശത്തെ തുടര്‍ന്നുള്ള രാത്രികളിലൊന്നില്‍ കന്യാസ്ത്രീ ഉറക്കമൊഴിച്ചിരുന്ന് എഴുതിയ 14 വരികളുള്ള കത്താണിത്. കത്ത് എഴുതിയതിനിടയില്‍ അലറി വിളിക്കുകയും ഇടയ്ക്കിടെ ബോധം മറയുകയും ചെയ്തിരുന്നു. സാത്താന്‍ തന്നോട് വെളിപ്പെടുത്തിയ വിവരങ്ങളാണ് കുറിച്ചു വെച്ചതെന്ന് പിന്നീട് കന്യാസ്ത്രീ വെളിപ്പെടുത്തിയിരുന്നു.

പതിനഞ്ചാമത്തെ വയസ്സിലായിരുന്നു സിസ്റ്റര്‍ ഈ കോണ്‍വെന്റിലെത്തിയത്. ദൈവത്തിനെതിരായി പ്രവര്‍ത്തിക്കുവാനും സാത്താന്റെ ദാസിയാക്കി മാറ്റാനും പിശാച് നടത്തിയ അതി നീചമായ നീക്കമായിരുന്നു ആ കത്ത്.

ഡാര്‍ക്ക് വെബ് എന്നു പേരായ ശൃംഖലയില്‍ നിന്നും ലഭിച്ച സെല്‍ഫ് ഇന്റലിജെന്റ്സ് സംവിധാനമുള്ള കമ്പ്യൂട്ടര്‍ സോഫ്റ്റ്വെയറിന്റെ സഹായത്തോടെയാണ് രഹസ്യ സന്ദേശം വായിച്ചെടുത്തത്.

പുരാതനമായ ഗ്രീക്ക്, അറബിക്, റൂണിക് ഭാഷകളോട് സാദൃശ്യമുള്ളതായിരുന്നു ആ ലിപി. യേശുവും പിതാവായെ ദൈവവും, പരിശുദ്ധാത്മാവും മരപ്പാവകാളെന്നും മനുഷ്യാത്മാക്കളെ മോക്ഷത്തിലേക്ക നയിക്കാന്‍ ദൈവത്തെ അനുവദിക്കില്ലെന്നുമാണ് സാത്താന്‍ കത്തിലൂടെ ലക്ഷ്യമിട്ടതെന്നും ഗവേഷകര്‍ അഭിപ്രായപ്പെടുന്നു.

എല്ലാദിവസവും അപ്ഡേറ്റ് ചെയ്യുന്ന ഡിസൈപ്പിൾ ന്യൂസിൽ നിന്നും തൽസമയം വാർത്തകൾ ലഭിക്കാനായി വാട്സ്ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക.