കഴിഞ്ഞ വര്ഷം യിസ്രായേലില്നിന്ന് പതിനായിരങ്ങള് വിദേശങ്ങളില് കുടിയേറിയതായി റിപ്പോര്ട്ട്
ടെല് അവീവ്: 2023 ഒക്ടോബര് 7-ന് യിസ്രായേലിനെതിരായ ഹമാസ് ആക്രമണത്തെ തുടര്ന്നുള്ള വര്ഷത്തില് ഏകദേശം 60,000 യിസ്രായേലികള് രാജ്യം വിട്ട് മടങ്ങിയെത്തിയിട്ടില്ലെന്ന് റിപ്പോര്ട്ട്. യിസ്രായേല് സര്ക്കാരിന്റെ സെന്ട്രല് ബ്യൂറോ ഓഫ് സ്റ്റാറ്റിസ്സ്റ്റിക്സിന്റെ ജനുവരി 2-ന് പ്രസിദ്ധീകരിച്ച റിപ്പോര്ട്ട് 2024-ലെ ജനസംഖ്യാ ഡാറ്റാ അവലോകനം ചെയ്യുന്നു.
2024-ല് 82,700 യിസ്രായേലികള് രാജ്യം വിട്ടുവെന്നും 23,800 പേര് മാത്രമാണ് തിരിച്ചെത്തിയതെന്നും റിപ്പോര്ട്ടില് പറയുന്നു.
സിബിഎസ് പറയുന്നതനുസരിച്ച് ഈ അസാധാരണമായ ഉയര്ന്ന നെഗറ്റീവ് മൈഗ്രേഷന് കണക്കിന്റെ പ്രധാന കാരണം ബിസിനസ്സിനോ, വിനോദ ആവശ്യങ്ങള്ക്കോ വേണ്ടിയുള്ള യാത്രയ്ക്കു പകരം മറ്റ് രാജ്യങ്ങളിലേക്കുള്ള കുടിയേറ്റമാണ് കാണിക്കുന്നത്.
2024 അവസാനത്തോടെ യിസ്രായേലിലേക്കുള്ള കുടിയേറ്റം അലിയാഹ് – 32,800 ആയി. 2023-നെ അപേക്ഷിച്ച് 15,000 ത്തോളം കുറവുണ്ടായി. യിസ്രായേലിന്റെ ജനസംഖ്യാ വളര്ച്ചാ നിരക്ക് 2024-ല് ചെറുതാ യി കുറഞ്ഞു.
2023-ലെ 1.6 ശതമാനവുമായി താരതമ്യം ചെയ്യുമ്പോള് 1.1 ശതമാനം വര്ദ്ധിച്ചു.
ഹമാസ് ആക്രമണത്തിനും തുടര്ന്നുള്ള ഗാസയിലെ യുദ്ധത്തിനും ശേഷം 117,000 യിസ്രായേലികള് രാജ്യത്ത് താമസിക്കുന്നത് അവസാനിപ്പിച്ചതായി കാണിക്കുന്ന ഞെട്ടിപ്പിക്കുന്ന ഡാറ്റ കഴിഞ്ഞ നവംബറില് പുറത്തു വന്നിരുന്നു.
