ജയിലില് കഴിയുന്ന ഇറാന് പാസ്റ്ററുടെ ഭാര്യയുമായി ബാറാക് ഒബാമ ചര്ച്ച നടത്തി
ഇദാഹോ: ഇറാനില് സുവിശേഷ പ്രവര്ത്തനം നടത്തി എന്ന കുറ്റം ആരോപിച്ച് 8 വര്ഷത്തെ ജയില് ശിക്ഷയ്ക്കു വിധിക്കപ്പെട്ട് തടവില് കഴിയുന്ന പാസ്റ്റര് സയ്ദ് അബദനിയുടെ ഭാര്യയുമായി യു.എസ്. പ്രസിഡന്റ് കൂടിക്കാഴ്ച നടത്തി.
ജനുവരി 21ന് ബുധനാഴ്ച ഒബാമ യു.എസ്.-ലെ ഇദാഹോയിലെ പാസ്റ്റര് സയ്ദിന്റെ മാതൃ നഗരമായ ബോയിസില് സന്ദര്ശനം നടത്തുന്നതിനിടയിലാണ് പാസ്റ്റര് സയ്ദിന്റെ ഭാര്യ നഗ്മ അബദനിയുമായി കൂടിക്കാഴ്ച നടത്തിയത്. പാസ്റ്റര് സയ്ദിനും യു.എസ്. പൌരത്വമുണ്ട്. 2012-ലാണ് സയ്ദിന് ജയില്ശിക്ഷ വിധിച്ചത്.
പാസ്റ്ററെ മോചിപ്പിക്കുവാന് ഒബാമ നേരത്തെ ഇറാന് പ്രസിഡന്റിനോട് ആവശ്യപ്പെട്ടിരുന്നു. നഗ്മ ഒബാമയെ നേരില്ക്കാണണമെന്ന് നേരത്തേ കത്തയച്ചതിന്റെ ഫലമായിരുന്നു കൂടിക്കാഴ്ച.
