ട്രംപിന്റെ ചിത്രം ഉൾപ്പെടുത്തി 250 ഡോളർ നോട്ടിന് നീക്കം; അമേരിക്കയിൽ രാഷ്ട്രീയ ചർച്ചകൾ ശക്തം
വാർത്ത: പ്രസാദ് തീയാടിക്കൽ
വാഷിംഗ്ടൺ : അമേരിക്കൻ മുൻ പ്രസിഡന്റ് ഡൊണാൾഡ് ട്രമ്പ് ന്റെ ചിത്രം ഉൾപ്പെടുത്തിയ 250 ഡോളർ നോട്ടിനായുള്ള നടപടികൾ പുരോഗമിക്കുന്നതായി യുഎസ് ട്രഷറി സെക്രട്ടറി സ്കോട്ട് ബസ്സെന്റ് അറിയിച്ചു.
അമേരിക്കയുടെ 250-ാം വാർഷികാഘോഷങ്ങളുടെ ഭാഗമായി പുതിയ നോട്ടിന്റെ രൂപകൽപ്പന പരിഗണിക്കുന്നതായാണ് റിപ്പോർട്ടുകൾ.
പ്രാഥമിക ഡിസൈൻ തയ്യാറാക്കിയിട്ടുണ്ടെന്നും വിഷയത്തിൽ കോൺഗ്രസിന്റെ അനുമതി ആവശ്യമായിരിക്കുമെന്നും ട്രഷറി വൃത്തങ്ങൾ വ്യക്തമാക്കി.
നിലവിലെ അമേരിക്കൻ നിയമപ്രകാരം ജീവിച്ചിരിക്കുന്ന വ്യക്തികളുടെ ചിത്രം കറൻസിയിൽ ഉൾപ്പെടുത്താൻ സാധിക്കില്ല.
അതിനാൽ നിയമഭേദഗതി കൂടാതെയോ കോൺഗ്രസ് അംഗീകാരം കൂടാതെയോ പദ്ധതി നടപ്പിലാക്കാൻ കഴിയില്ലെന്നാണ് റിപ്പോർട്ട്.
പ്രസ്താവന പുറത്ത് വന്നതോടെ അമേരിക്കൻ രാഷ്ട്രീയരംഗത്ത് വലിയ ചർച്ചകൾക്കാണ് വഴിയൊരുങ്ങിയത്.
ട്രംപ് അനുകൂലികൾ ഇത് ചരിത്രപരമായ തീരുമാനമാകുമെന്ന് അഭിപ്രായപ്പെടുമ്പോൾ വിമർശകർ അമേരിക്കൻ കറൻസി പാരമ്പര്യത്തിന് വിരുദ്ധമാണെന്നാണ് ആരോപിക്കുന്നത്.
