കേരളത്തിലെ യുവജനങ്ങളില് 8-ല് ഒരാള്ക്ക് മാനസിക പ്രശ്നമുണ്ടെന്ന് റിപ്പോര്ട്ട്
തിരുവനന്തപുരം: കേരളത്തില് പ്രായപൂര്ത്തിയായ എട്ടുപേരില് ഒരാള്ക്കു മാനസിക പ്രശ്നമുണ്ടെന്നു പഠന റിപ്പോര്ട്ട്.
18 വയസ്സിനു മുകളില് പ്രായമുള്ള 12.43% പേര് മാനസിക വെല്ലുവിളികളെ നേരിടുന്നവരാണെന്ന് സംസ്ഥാന മാനസീകാരോഗ്യ അതോറിട്ടിയും ദേശീയ ആരോഗ്യ മിഷനും ചേര്ന്നു നടത്തിയ പഠനത്തില് വ്യക്തമാക്കുന്നു.
കൊല്ലം, ഇടുക്കി, പാലക്കാട്, വയനാട്, കാസര്ഗോഡ് ജില്ലകളില് നടത്തിയ പഠനത്തിലാണ് ഈ കണ്ടെത്തല് . ഇത് സര്ക്കാരിന്റെ ആരോഗ്യ നയത്തില് ഉള്പ്പെടുത്തുമെന്ന് ആരോഗ്യ വകുപ്പു മന്ത്രി കെ.കെ. ശൈലജ പറഞ്ഞു.
ഗുരുതരമായ മാനസിക വൈകല്യം (സൈക്കോസിസ്) മൂലം ദുരിതമനുഭവിക്കുന്ന 0.71% പേര് കേരളത്തിലുണ്ട്. 9 ശതമാനം പേര് വിഷാദ രോഗത്തിനു അടിമകളാണ്. 1.46% പേര് മദ്യപാനവുമായി ബന്ധപ്പെട്ട് മാനസിക ദുരിതമനുഭവിക്കുന്നു.
പരിശീലനം ലഭിച്ച ആശാ വര്ക്കര്മാരാണ് സര്വ്വേ നടത്തിയത്. സര്വ്വേയ്ക്കു നേതൃത്വം നല്കിയ ഡോ. ഡി. രാജു ആലപ്പുഴ മെഡിക്കല് കോളേജിലെ സൈക്യാട്രി വിഭാഗം തലവന് ഡോ. വി. സതീഷ് എന്നിവര് ചേര്ന്ന് റിപ്പോര്ട്ട് കൈമാറി.
