ചോറ് കഴിക്കാന് അനുയോജ്യമായ സമയം അറിഞ്ഞിരിക്കുക
നമ്മള് രാവിലെ ഉണരുമ്പോള് മുതല് ശരീരത്തിനുള്ളില് ഒരു പ്രത്യേക ക്ളോക്ക് പ്രവര്ത്തിക്കാന് തുടങ്ങുന്നുണ്ട്.
ഇതിനെയാണ് സര്ക്കാഡിയന് റിഥം അഥവാ ജൈവ ഘടികാരമെന്ന് വിളിക്കുന്നത്. പകല് സജീവമായിരിക്കുകയും രാത്രിയില് ഉറങ്ങാനും ശരീരത്തെ പ്രാപ്തമാക്കുന്നത് ഈ പ്രതിഭാസമാണ്.
നമ്മുടെ മെറ്റബോളിസത്തെ നിയന്ത്രിക്കുന്നതില് ഈ ജൈവ ഘടികാരത്തിന് വലിയ പങ്കുണ്ട്.
അതിനാല്ത്തന്നെ നമ്മള് കഴിക്കുന്ന കാര്ബോഹൈഡ്രേറ്റുകള് (അന്നജം) ശരീരം എങ്ങനെ വിഘടിപ്പിക്കുന്നു എന്നതിനെയും ഇത് സ്വാധീനിക്കുന്നു.
പ്രീഡയബറ്റിക് ഉള്ളവര് ഈ കാര്യങ്ങളെക്കുറിച്ച് കൃത്യമായ ധാരണ വച്ചു പുലര്ത്തേണ്ടതുണ്ട്.
വിവിധ ഗവേഷണങ്ങള് പറയുന്നതനുസരിച്ച് രാവിലെ മുതല് ഉച്ചയ്ക്കുശേഷമുള്ള ആദ്യ പകുതിവരെയുള്ള സമയമാണ് കാര്ബോഹൈഡ്രേറ്റ് കഴിക്കാന് ഏറ്റവും അനുയോജ്യം. രാത്രി വൈകി കാര്ബോഹൈഡ്രേറ്റ് കഴിക്കുന്നത് പൂര്ണ്ണമായും ഒഴിവാക്കണം.
രാത്രി ഭക്ഷണം എപ്പോഴും 7-8 മണിക്ക് മുമ്പായി കഴിക്കാനും ഭക്ഷണത്തില് അന്നജത്തോടൊപ്പം പ്രോട്ടീനും നാരുകളും ഉള്പ്പെടുത്താനും ശ്രദ്ധിക്കുക.
