കാന്സറിനെ ചെറുക്കാനുള്ള പുതിയ മാര്ഗ്ഗം കണ്ടെത്തി യിസ്രായേല് ഗവേഷകര്
ലോകത്തെ തന്നെ കാര്ന്നു തിന്നുന്ന മാരകമായ രോഗമായ കാന്സറിനെതിരായ പോരാട്ടങ്ങള് മുന്നേറുന്ന യിസ്രായേലിലെ ബാര്-ഇലാന് സര്വ്വകലാശാലയിലെ ശാസ്ത്രജ്ഞര് കാന്സര് വൈറല് കോശങ്ങളെ തിരിച്ചറിയുകയും നശിപ്പിക്കുകയും ചെയ്യുന്ന പ്രകൃതിദത്ത കൊലയാളി കോശങ്ങളെ പുനരുജ്ജീവിപ്പിക്കാന് ഒരു പുതിയ മാര്ഗ്ഗം വികസിപ്പിച്ചതായി റിപ്പോര്ട്ടുകള് പുറത്തുവന്നു.
രാമത്ഗാനിലെ ബാര്-ഇലാന് യൂണിവേഴ്സിറ്റിയിലെ ഗുഡ്മാന് ഫാക്കല്റ്റി ഓഫ് ലൈഫ് സയന്സിലെ പ്രൊഫ. മീറ ബര്ദസാദിന്റെ നേതൃത്വത്തിലാണ് പഠനം നടത്തിയത്. ഇത് ഇഎംബിഒ ജേര്ണലില് പ്രസിദ്ധീകരിച്ചിട്ടുണ്ട്.
ട്യൂമറുകളെ ആക്രമിക്കുന്നതില് നിന്ന് ലിംഫോസൈറ്റുകള്, ടി സെല്ലുകള് അഥവാ എന്കെ സെല്ലുകള് സ്വയം ക്ഷയിക്കുമെന്ന് ബാര് ഇലാന് സംഘം കണ്ടെത്തി.
നാനോ കണങ്ങളുടെ ഉപയോഗത്തിലൂടെ ഈ സുപ്രധാന കോശങ്ങളെ പുനഃസ്ഥാപിക്കുന്നതിനുള്ള ഒരു രീതി ശാസ്ത്രജ്ഞര് പിന്നീട് വികസിപ്പിച്ചെടുത്തു.
നെഗറ്റീവ് റെഗുലേറ്ററുകളെ ടാര്ഗറ്റു ചെയ്യാനും നിശ്ശബ്ദരാക്കാനും കഴിവുള്ള ഈ നാനോ പാര്ട്ടിക്കിളുകള് രോഗിയുടെ ശരീരത്തിനുള്ളില് നേരിട്ട് എന്കെ സെല് പ്രവര്ത്തനം പുനഃസ്ഥാപിക്കുന്നു.
സെല് വേര്തിരിച്ചെടുക്കലിന്റെയും ജനിതക മാറ്റത്തിന്റെയും ആവശ്യകതയെ മറികടക്കുന്നു.
ത്രിമാന ടിഷ്യു കള്ച്ചറിലും ഇന്-വിവോ എലികളുടെ മോഡലുകളിലും നടത്തിയ പരീക്ഷണങ്ങള് മയക്കു മരുന്ന് വിതരണത്തിനുള്ള ഒരു പ്ളാറ്റിഫോമായി പ്രവര്ത്തിക്കുന്ന നാനോ കണങ്ങള്ക്ക് പ്രവര്ത്തന രഹിതമായ പ്രകൃതിദത്ത കൊലയാളി സെല് ജനസംഖ്യയെ പുനര് നിര്മ്മിക്കാന് കഴിയുമെന്നു തെളിയിച്ചിട്ടുണ്ട്.
കാന്സര് കോശങ്ങളുടെ നാശം പുനരാരംഭിക്കാന് പ്രകൃതിദത്ത കൊലയാളി കോശങ്ങളെ അനുവദിക്കുന്ന രണ്ട് നെഗറ്റീവ് റെഗുലേറ്ററുകളെ നാനോ കണങ്ങള് അടിച്ചമര്ത്തുന്നതായി കണ്ടെത്തി.
തങ്ങളുടെ പുതിയ രീതി ഖരമുഴകള്ക്കെതിരെ വളരെ ഫലപ്രദമായ ചികിത്സകള് വികസിപ്പിക്കുന്നതിലേക്ക് നയിച്ചേക്കുമെന്ന് ബാര്-ഇലാന് ടീം പ്രതീക്ഷിക്കുന്നതായി റിപ്പോര്ട്ടുകളുണ്ട്.
