സ്പെയിനിന്റെ ലോകകപ്പ് വിജയത്തില് ഇറാന്, ഹമാസ്, ഹൂത്തികള്, പലസ്തീനിയന് നേതാവ് എന്നിവര് അഭിനന്ദിച്ചു
ഫിഫ ലോകകപ്പ് വിജയത്തില് സ്പെയിനിനെ പ്രത്യേകമായി അഭിനന്ദിച്ചത് ഇറാന്, ഹമാസ്, ഹൂത്തികള്, പലസ്തീനിയന് നേതാവ് അബ്ബാസ് എന്നിവരാണ്. സ്പെയിനിനെ അഭിനന്ദിച്ച ഇറാന്, അമേരിക്കയെയും എതിര്ത്ത ലോകമെമ്പാടുമുള്ള ആളുകള്ക്ക് സന്തോഷം നല്കിയെന്ന് പറഞ്ഞു.
ഗാസ നിവാസികളും വിജയം ആഘോഷിക്കുന്ന ദൃശ്യങ്ങള് പുറത്തു വന്നിട്ടുണ്ട്. സ്പെയിനിലെ സോഷ്യലിസ്റ്റായ പ്രധാനമന്ത്രി പെഡ്രോ സാഞ്ചാസ് ഹമാസിനെതിരെ ഗാസയില് യിസ്രായേല് നടത്തുന്ന സൈനിക നീക്കത്തെ യൂറോപ്പിലെ ഏറ്റവും തുറന്ന വിമര്ശകരിലൊരാളായി അടയാളപ്പെടുത്തിയിട്ടുണ്ട്.
കൂടാതെ പലസ്തീന് രാഷ്ട്രത്തിന്റെ ഒരു പ്രധാന വക്താവുമാണ്. മെയ് മാസത്തില് ലാ ലിഗ കിരീടം നേടിയപ്പോള് സ്പാനിഷ് ഫോര്വേഡ് ലാമിന് യാമല് പലസ്തീന് പതാകയുമായി വിജയം ആഘോഷിച്ചതിനുശേഷം സാഞ്ചാസ് അതില് അഭിമാനം പ്രകടിപ്പിച്ചിരുന്നു.
പലസ്തീന് ജനതയെ പ്രതിരോധിച്ച കളിക്കാരുടെയും ഇറാനുവേണ്ടി സ്പെയിന് നല്കിയ പിന്തുണയുടെയും സ്വാതന്ത്ര്യവും ദൃഢനിശ്ചയവും ആ ബുദ്ധിമാനും ബഹുമാന്യനുമായ രാജ്യത്തിന്റെ സവിശേഷതകളാണെന്ന് തെളിയിച്ചു.
ഇറാന്റെ ഉന്നത നേതാവായ മുഹമ്മദ് ബാഗര് ഗാലിബാഫ് പറഞ്ഞു. അക്രമം, വംശഹത്യ. അടിച്ചമര്ത്തല് എന്നിവയ്ക്കെതിരെ സമീപ മാസങ്ങളില് സ്പെയിന് ദേശീയ ടീമിന്റെ പെരുമാറ്റവും പൊതുവേ സ്വീകരിച്ച നിലപാടും വിലപ്പെട്ടതായിരുന്നു.
ഇറാന് വിദേശകാര്യ മന്ത്രാലയ വക്താവ് എസ്മായേല് ബഖായ് പറഞ്ഞു. പലസ്തീന് അതോറിട്ടി പ്രസിഡന്റ് മഹ്മൂദ് അബ്ബാസ് സ്പെയിനിലെ രാജാവ് ഫിലിപ്പ് ആറാമന് അഭിനന്ദന കത്ത് എഴുതിയതായി റിപ്പോര്ട്ടുകളുണ്ട്.
യെമനിലെ ഹൂത്തികളും സ്പെയിനിനു അഭിവാദ്യം അര്പ്പിച്ചു. കായിക രംഗത്തുപോലും യിസ്രായേലിനെ പിന്തുണയ്ക്കുന്നവര് തോല്ക്കും. എതിര്ക്കുന്നവര് വിജയിക്കും. ഹൂത്തി മുതിര്ന്ന നേതാവ് നാസര് അല്-ദിന് പ്രതികരിച്ചു.
അതേ സമയം മറുവശത്ത് പ്രധാനമന്ത്രി ബെന്യാമിന് നെതന്യാഹു ഉള്പ്പെടെയുള്ള യിസ്രായേല് നേതാക്കളും ഫുട്ബോള് പ്രേമികളും അര്ജന്റീനയ്ക്കുവേണ്ടി അണി നിരന്നു.
അര്ജന്റീനയുടെ പ്രസിഡന്റ് ജാവിയര് മിലി യിസ്രായേലിനെ ശക്തമായി പിന്തുണച്ച വ്യക്തിയാണ്.
