“യുദ്ധമെങ്കില് യുദ്ധം, ഞങ്ങള് തയ്യാര്”: യൂറോപ്പിന് വ്ളാഡിമര് പുട്ടിന്റെ മുന്നറിയിപ്പ്
മോസ്ക്കോ: യുക്രൈനിലെ യുദ്ധം അവസാനിപ്പിക്കാന് യു.എസുമായി നടത്തിയ സമാധാന ചര്ച്ച പരാജയപ്പെട്ടതിനിടെ യൂറോപ്പിനെതിരെ മുന്നറിയിപ്പുമായി റഷ്യന് പ്രസിഡന്റ് വ്ളാഡിമര് പുട്ടിന് രംഗത്തുവന്നു.
റഷ്യ യൂറോപ്പുമായി യുദ്ധം ആഗ്രഹിക്കുന്നില്ലെന്നും എന്നാല് അവര് യുദ്ധത്തിനു മുന്നിട്ടിറങ്ങിയാല് തങ്ങള് നോക്കി നില്ക്കാതെ തിരിച്ചടിക്കുമെന്നും പുടിന് പറഞ്ഞു.
യുക്രൈനിലെ സമാധാന ശ്രമങ്ങള്ക്ക് യൂറോപ്യന് രാജ്യങ്ങള് തുരങ്കം വയ്ക്കുകയാണെന്നും യുദ്ധം അവസാനിപ്പിക്കണമെന്ന് അവര് ആഗ്രഹിക്കുന്നില്ലെന്നും പുടിന് വിമര്ശിച്ചു.
യു.എസ് തയ്യാറാക്കിയ സമാധാന പദ്ധതിക്ക് ബദലായി യുക്രൈന് അനുകൂലമായിട്ടുള്ള ഒരു പദ്ധതതി യൂറോപ്യന് യൂണിയന് അവതരിപ്പിച്ചതാണ് പുട്ടിനെ പ്രകോപിപ്പിച്ചത്.
യൂറോപ്പിന്റെ പദ്ധതിയിലെ വ്യവസ്ഥകള് പലതും റഷ്യയ്ക്ക് അംഗീകരിക്കാന് കഴിയാത്തതാണെന്നും ഞങ്ങള് യൂറോപ്പുമായി യുദ്ധത്തിനില്ലെന്നും ഞാന് നൂറുതവണ പറഞ്ഞിട്ടുണ്ട്.
പക്ഷെ പെട്ടന്ന് ഒരു യുദ്ധത്തിനു അവര് ഇറങ്ങി പുറപ്പെട്ടാല് നേരിടാന് ഞങ്ങള് ഈ നിമിഷം പോലും തയ്യാറാണ്. പുടിന് പറഞ്ഞു.
