സൌദിയില് നേഴ്സിംഗ് മേഖലയില് സ്വദേശി വല്ക്കരണം 44 ശതമാനത്തിലേക്ക്
സൌദി അറേബ്യയിലെ നേഴ്സിംഗ് ജീവനക്കാരുടെ സ്വദേശി വല്ക്കരണ നിരക്ക് ഈ വര്ഷം ഏകദേശം 44 ശതമാനമായി ഉയരുമെന്ന് ആരോഗ്യ മന്ത്രാലയം അറിയിച്ചു.
നേഴ്സിംഗ് കരിയര് പ്രമോഷന് സ്ട്രാറ്റജി 2018-2022 എന്ന പദ്ധതിയുടെ ഫലമായി 2016-ല് 38 ശതമാനമായിരുന്നത് ഈ രംഗത്തേക്കുള്ള സ്വദേശികളുടെ കടന്നുവരവ് വര്ദ്ധിച്ചു.
സ്വദേശി നേഴ്സിംഗ് ആരോഗ്യ പ്രവര്ത്തകരുടെ എണ്ണത്തില് സ്വയം പര്യാപ്തത നേടുന്നതിനും ആരോഗ്യ സേവനങ്ങളുടെ ഗുണനിലവാരം മെച്ചപ്പെടുത്തുന്നതിനും ഈ രംഗത്തേക്ക് താല്പ്പര്യപൂര്വ്വം കടന്നു വരുന്നവരുടെ എണ്ണം വര്ദ്ധിപ്പിക്കുന്നതിനുമുള്ള പദ്ധതി മന്ത്രാലയം നടത്തിവരികയാണ്.
മികച്ച തൊഴില് മേഖലയെന്ന നിലയില് നല്ലൊരു ജീവിത ശൈലി കെട്ടിപ്പെടുക്കുന്നതിന് നേഴ്സിംഗ് മേഖലയിലെ ജോലി സഹായിക്കുമെന്നതിനാലും സ്ത്രീകളെയും പുരുഷന്മാരെയും ഒരുപോലെ ഈ രംഗത്തത്തേക്ക് കടന്നു വരുവാനിടയായി.
സൌദി സ്വദേശികളായ നേഴ്സിംഗ് ആരോഗ്യ പ്രവര്ത്തകരെ ഈ മേഖലയില് തുടരുന്നതിനും പിന്തുണയ്ക്കുന്നതിനും ശക്തിപ്പെടുത്തുന്നതിനും അവരുടെ പ്രൊഫഷണല് കഴിവ് വര്ദ്ധിപ്പിക്കുന്നതിനുമുള്ള തുടര്ച്ചയായ ശ്രമങ്ങള് ഉണ്ടാകണണെന്നും മന്ത്രാലയം അറിയിച്ചു.
