യേശു യഹൂദനായി ജീവിക്കുകയും മരിക്കുകയും ചെയ്തു; മാര്പാപ്പയ്ക്കുള്ള പ്രതിഷേധ കത്തില് യിസ്രായേല് മന്ത്രി
ടെല് അവീവ്: കഴിഞ്ഞ ആഴ്ചയില് ഫ്രാന്സിസ് മാര്പാപ്പ പലസ്തീനിയന് വാദങ്ങളെ അംഗീകരിച്ച് യേശുകുഞ്ഞിന്റെ തിരുരൂപം പലസ്തീന് പ്രതീകമായ കഫിയായില് വച്ച് ഉല്ഘാടന ചടങ്ങില് പങ്കെടുത്ത വിവാദ നടപടിയ്ക്കെതിരെ പ്രതികരിച്ചുകൊണ്ട് യിസ്രായേല് പ്രവാസി കാര്യമന്ത്രി അമിച്ചൈ ചിക്ളി മാര്പാപ്പയ്ക്ക് ശക്തമായ പ്രതിഷേധ കത്ത് നല്കി.
ചിക്ളി തന്റെ കത്തില് ഇപ്രകാരം പറയുന്നു ബഹുമാന്യനായ ഫ്രാന്സിസ് മാര്പാപ്പ, ഷാലോം. മത്തായിയുടെ സുവിശേഷത്തിന്റെ രണ്ടാം അദ്ധ്യായത്തില് വിവരിച്ചിരിക്കുന്നതുപോലെ യേശു ജനിച്ചത് ബേത്ലഹേം നഗരത്തിലാണ് എന്നത് എല്ലാവര്ക്കും അറിയാവുന്ന ഒരു വസ്തുതയാണ്. ഹെരോദാവ് രാജാവിന്റെ കാലത്ത് യേശു യഹൂദ്യയിലെ ബേത്ലഹേമില് ജനിച്ചു.
യേശു ഒരു യഹൂദ മാതാവിനു ജനിച്ചു. യഹൂദനായി ജീവിച്ചു. യഹൂദനായി മരിച്ചു എന്നത് എല്ലാവര്ക്കും അറിയാവുന്ന കാര്യമാണ്. ചിക്ളി പറയുന്നു. യഹൂദ ഗോത്രം ഉദ്ഭവിച്ചത് ലേയയുടെ നാലാമത്തെ പുത്രനായ യഹൂദയില് നിന്നാണ്. യഹൂദ എന്ന പദം ഉത്ഭവിച്ചതും എല്ലാവര്ക്കും അറിയാവുന്ന ഒരു വസ്തുതയാണ്.
യഹൂദന്മാര് തമ്മിലുള്ള ബന്ധം ഉന്മൂലനം ചെയ്യാന് ശ്രമിച്ചവരുണ്ടായിരുന്നു എന്നത് എല്ലാവര്ക്കും അറിയാവുന്ന കാര്യമാണ്. ഇവരില് ഏറ്റവും പ്രമുഖനായിരുന്നു ഹാഡ്രിയന് ചക്രവര്ത്തി.
എഡി 132-ലെ ബാര് കോബ്ബ കലാപത്തിന്റെ സംഭവങ്ങള് പുനരാവിഷ്ക്കരിക്കുന്നതിനു മുമ്പ് ചിക്ളി എഴുതി യഹൂദ കുടിയേറ്റത്തിന്റെ ഭൌതിക നാശത്തില് ഹാഡ്രിയന് തൃപ്തനായില്ല. യഹൂദന്മാര് യഹൂദയിലേക്കു മടങ്ങിപ്പോകാന് ആഗ്രഹിക്കുന്ന നാളിലേക്കുള്ള ഭാവി അവന് മുന്കൂട്ടി കണ്ടു.
അതുകൊണ്ട് അവന് യഹൂദ്യ പ്രവിശ്യയെ യിസ്രായലിന്റെ മുഖ്യ ശത്രുവായ ഫെലിസ്ത്യരുടെ പേരില് സിറിയ പലസ്തീന് എന്നു പുനര് നാമകരണം ചെയ്തു. രണ്ടാഴ്ച മുമ്പ് യേശുവിനെ പലസ്തീനിയന് അറബിയില് ചിത്രീകരിച്ചിരുന്നു. പലസ്തീനിയന് അവതരണം പ്രതിധ്വനിക്കുന്ന ഒരു പ്രദര്ശനത്തില് നിങ്ങള് പങ്കെടുത്തു.
കെഫിയയില് പൊതിഞ്ഞ് തൊട്ടിലില് തന്റെ ചിത്രം അവതരിപ്പിക്കാനുള്ള തീരുമാനം മനസ്സിലാക്കാനും മറ്റൊരു മാര്ഗ്ഗമില്ല. ഇതൊരു ഒറ്റത്തവണ കാര്യമായിരുന്നെങ്കില് ഞാന് എഴുതില്ലായിരുന്നു.
കത്ത് എഴുതാന് തന്നെ പ്രേരിപ്പിച്ച രണ്ടാമത്തെ കാര്യത്തിലേക്ക് കടക്കുന്നുതിനു മുമ്പ് ചിക്ളി ഊന്നിപ്പറഞ്ഞു. നവംബര് 19-നു പുറത്തിറക്കിയ തന്റെ പുസ്തകത്തില് ഒരു ഇറ്റാലിയന് ദിനപ്പത്രം മാര്പാപ്പയെ ഉദ്ധരിച്ചു ഗാസ യുദ്ധത്തെക്കുറിച്ച് സംസാരിക്കുമ്പോള് യിസ്രായേല് പലസ്തീനില് വംശഹത്യ നടത്തുന്നുവെന്നും ഇതേക്കുറിച്ച് അന്വേഷിക്കണമെന്നും മാര്പാപ്പ പറഞ്ഞതായും അത് യിസ്രായേലിനെ ചൊടിപ്പിച്ചതായും പറഞ്ഞിരുന്നു.
കുപ്രസിദ്ധ ഹോളോകാസ്റ്റില് 60 ലക്ഷത്തിലധികം യഹൂദരെ കൂട്ടക്കൊലയ്ക്കിരയാക്കിയ സംഭവത്തെ നിസ്സാരവല്ക്കരിക്കുന്നതിനോട് ഞങ്ങള് വളരെയധികം ബോധവാന്മാരാണ്. യിസ്രായേലിനെതിരായ ഈ പുതിയ രക്ത അപകീര്ത്തിയുടെ പ്രധാന വക്താക്കളില് ഒരാളാണ് മനുഷ്യാവകാശ സംഘടനയായ ആംനസ്റ്റി.
2023 ഒക്ടോബര് 7-ന് ഗാസ മുനനേപില് യിസ്രായേല് പ്രകോപനമില്ലാതെ ആക്രമണം നടത്തിയെന്ന വേദനാജനകമായ അവകാശവാദത്തെയും മന്ത്രി തുറന്നെഴുതി.
നിങ്ങളുടെ മാര്ഗ്ഗ നിര്ദ്ദേശത്തിനും പ്രവര്ത്തനങ്ങള്ക്കും നേതൃത്വത്തിനും ലോകമെമ്പാടും വലിയ സ്വാധിനതയുണ്ട്. അതുകൊണ്ടാണ് യഹൂദ രാഷ്ട്രത്തിനെതിരായ വംശഹത്യയുടെ പുതിയ ആരോപണത്തെക്കുറിച്ചുള്ള നിങ്ങളുടെ നിലപാട് വ്യക്തമാക്കാന് ഞാന് നിങ്ങളോട് വിനയപൂര്വ്വം ആവശ്യപ്പെടുന്നത്.
സത്യവും ദൈവവും ഒന്നാണ്. ഒരു യഹൂദ റബ്ബിയുടെ മകനായി ജനിച്ച 43-കാരന് ചിക്ളി ഉപസംഹരിക്കുന്നു.
