ചിമ്പന്സികള് സ്വയം ചികിത്സ നടത്തുമെന്ന് ഗവേഷകര്
ലണ്ടന്: ചിമ്പന്സി ആള്ക്കുരങ്ങുകള് സ്വയം ചികിത്സ നടത്തുന്നതായി ഗവേഷകര് കണ്ടെത്തി. രോഗം വരുമ്പോഴും മുറിവുണ്ടാകുമ്പോഴും ചിമ്പന്സികള് പ്രത്യേക ചെടികളും ഉണങ്ങിയ മരത്തിന്റെ ഭാഗങ്ങളും പഴത്തൊലികളുമൊക്കെ ഭക്ഷിക്കും.
വിശദമായ പരിശോധനയില് ഇവയ്ക്ക് അണു നശീകരണ വേദന സംഹാര ശേഷികള് ഉള്ളതായി കണ്ടെത്തി.
യൂണിവേഴ്സിറ്റ് ഓഫ് ഓക്സഫെഡിലെ ഡോ. എലോഡി ഫ്രേമന്റെ നേതൃത്വത്തിലുള്ള സംഘം യുഗണ്ടയിലെ ബുഡോംഗോ സുരക്ഷിത വനത്തില് വസിക്കുന്ന രണ്ട് ചിമ്പന്സി കൂട്ടത്തെ നാലു വര്ഷം നിരീക്ഷിച്ചാണ് സുപ്രധാനമായ കണ്ടെത്തലിലെത്തിയത്.
വേദന സംശയിക്കുന്ന ചിമ്പന്സികളുടെ വിസര്ജ്ജ്യങ്ങള് ശേഖരിച്ച് രോഗം ഉറപ്പാക്കുകയാണ് ആദ്യം ചെയ്തത്. രോഗമുള്ളവര് അസാധാരണ വസ്തുക്കള് ഭക്ഷണമാക്കുന്നത് ശ്രദ്ധയില്പ്പെട്ടു.
ഈ ചെടികളും മറ്റും പരിശോധിച്ചപ്പോള് പലതിനും ആന്റി ബാക്ടീരിയല് സവിശേഷതകളും മുറിവുണക്കാനുള്ള കഴിവും ഉണ്ടെന്നു കണ്ടെത്തുകയായിരുന്നു.
ഗവേഷകരുടെ പഠനത്തില് പറഞ്ഞിരിക്കുന്ന എല്ലാ ചിമ്പന്സികളും സുഖം പ്രാപിച്ചതായും ഡോ. ഫ്രേമാന് പറയുന്നു.
പുതിയ മരുന്നുകള് കണ്ടെത്താന് ചിമ്പന്സികള് മനുഷ്യനെ സഹായിക്കുമെന്നാണ് ഡോക്ടര് അഭിപ്രായപ്പെടുന്നത്.
