‘പാഷന് ഓഫ് ക്രൈസ്റ്റ്’ രണ്ടാം ഭാഗം ജനുവരിയില് ചിത്രീകരണം ആരംഭിക്കും
യേശുക്രിസ്തുവിന്റെ ക്രൂശീകരണ രംഗങ്ങള് ചിത്രീകരിച്ച വിഖ്യാത ബ്ളോക്ബസ്റ്റര് ചലച്ചിത്രമായ ദി പാഷന് ഓഫ് ദി ക്രൈസ്റ്റിന്റെ രണ്ടാം ഭാഗമായ ദി പാഷന് ഓഫി ദി ക്രൈസ്റ്റ്: റിസറക്ഷന് 2024 ജനുവരിയില് ചിത്രീകരണമാരംഭിക്കുമെന്ന് പ്രധാന നടന് ജിം കാവിസെല് സ്ഥിരീകരിച്ചു.
ചിത്രം അരാമ്യ ഭാഷയിലും, ലാറ്റിനിലും ആയിരിക്കും നിര്മ്മിക്കുക. മെല് ഗിബ്സണ് തന്നെയാണ് സംവിധായകന് . ലോക ചരിത്രത്തിലെ ഏറ്റവും വലിയ ചലച്ചിത്രം ആയിരിക്കും ദി പാഷന് ഓഫ് ദി ക്രൈസ്റ്റ് റിസറക്ഷനെന്ന് കാവിസെല് പറഞ്ഞു.
പുതിയ ചിത്രത്തിന്റെ സക്രിപ്റ്റ് കൂടുതല് ദാര്ശനീകവും, കാവ്യത്മകവുമാകുമെന്നും ഗിബ്സണും പ്രതികരിച്ചു. മെല് ഗിബ്സന്റെ 2044-ലെ മെഗാ ഹിറ്റായ ദി പാഷന് ഓഫ് ദി ക്രൈസ്റ്റ് എന്ന ചിത്രത്തിന്റെ രണ്ടാം ഭാഗമായ ഈ ചിത്രത്തിന്റെ അണിയറ നീക്കങ്ങള് കഴിഞ്ഞ 10 വര്ഷമായി പുരോഗമിച്ചുകൊണ്ടിരിക്കുകയാണ്.
വെറും 30 മില്യണ് ഡോളറിന്റെ നിര്മ്മാണ ചിലവില് രൂപം കൊണ്ട ചിത്രം 612 മില്യണ് ഡോളറാണ് വാരിക്കൂട്ടിയത്. എക്കാലത്തെയും വിജയകരമായ സ്വതന്ത്ര സിനിമകളിലൊന്നായി ഇത് മാറി.
പുരനുത്ഥാനം കേന്ദ്രമാക്കി ചിത്രീകരിക്കുന്ന ഈ ചിത്രത്തില് യേശുവിന്റെ കഷ്ടത അനുഭവിക്കുന്ന 24 മണിക്കൂറും അവന്റെ ക്രൂശീകരണത്തിനും പുനരുത്ഥാനത്തിനും ഇടയിലുള്ള മൂന്ന് ദിവസങ്ങളില് നടന്ന സംഭവങ്ങളില് ശ്രദ്ധ കേന്ദ്രീകരിച്ചാണ് ഒരുക്കുന്നത്. ബൈബിള് ആധാരമാക്കി നിര്മ്മിക്കുന്നതാണ് പുനരുത്ഥാനം.
ക്രിസ്തുവിന്റെ ഈ പുനരുത്ഥാന ചലച്ചിത്രത്തില് യേശുവിന്റെ വേഷം ചെയ്യുന്നത് ജിം കാവിസെലാണ്. കൂടാതെ യോഹന്നാനായി ക്രിസ്റ്റോ ജിവ്കോവ്, മറിയ-മയായ മൊര്ഗിസ്റ്റം, പത്രോസ് ഫ്രാന്സിസ്കോ ഡിവിറ്റോ തുടങ്ങിയവര് പ്രധാന വേഷങ്ങള് ചെയ്യുന്നു.
