മഹാരാഷ്ട്രയിലെ ലാത്തൂരില് ഭൂമിക്കടിയില്നിന്ന് നിഗൂഢ ശബ്ദം കേട്ടതായി റിപ്പോര്ട്ട്
ലാത്തൂര് : മഹാരാഷ്ട്രയിലെ ലാത്തൂര് നഗരത്തില് ഭൂമിക്കടിയില്നിന്നും നിഗൂഢ ശബ്ദം കേട്ടതായി റിപ്പോര്ട്ട്. എന്നാല് ഭൂചലന സാധ്യതകളില്ലെന്ന് അധികൃതര് വ്യക്തമാക്കി.
ഫെബ്രുവരി 15 ന് ബുധനാഴ്ച രാവിലെ 10.30-നും 10.45-നും ഇടയിലാണ് വിവേകാനന്ദ് ചൌക്കിനു സമീപം ശബ്ദം കേട്ടത്. ഭയന്നുപോയ പ്രദേശവാസികള് ഭരണാധികാരികളെ ഉടന് വിവരം അറിയിച്ചു.
പിന്നാലേ ജില്ല ദുരന്ത മാനേജ്മെന്റ് വിഭാഗം വിവിധയിടങ്ങളിലെ ഭൂചലന അളവുകള് പരിശോധിച്ച് ഭീഷണിയെല്ലെന്ന് ഉറപ്പാക്കി. എന്തുകൊണ്ടാണ്് ഇങ്ങനെ സംഭവിച്ചതെന്ന് വ്യക്തമല്ല.
1993-ല് ഇവിടത്തെ കില്ലാരി ഗ്രാമത്തിലും സമീപ പ്രദേശങ്ങളിലുമുണ്ടായ ഭൂചലനത്തില് 10,000ത്തോളം പേര്ക്ക് ജീവന് നഷ്ടമായിരുന്നു.
2022 സെപ്റ്റംബറിലും ഇക്കഴിഞ്ഞ ഫെബ്രുവരി നാലിനും ലാത്തൂര് ജില്ലയിലെ വിവിധ ഭാഗങ്ങളില് ഭൂമിക്കടിയില്നിന്ന് ശബ്ദം കേട്ടതായി പരാതി ഉണ്ടായിരുന്നു.
