ഇനി നിര്മ്മിത ബുദ്ധിയില് കോവിഡ് പരിശോധന; ഫലം 5 മിനിറ്റില്
അബുദാബി: നിര്മ്മിത ബുദ്ധിയില് കോവിഡ് പരിശോധന നടത്താമെന്നും 5 മിനിറ്റിനുള്ളില് ഫലം അറിയാമെന്നും അബുദാബി.
2 യു.എ.ഇ. കമ്പനികളുടെ സഹകരണത്തോടുകൂടി കനേഡിയന് കമ്പനിയാണ് നിര്മ്മിത ബുദ്ധി സംവിധാനം വികസിപ്പിച്ചെടുത്തത്. പരിശോധനാ ഫലം 5 മിനിറ്റിനുള്ളില് അറിയാമെന്നാണ് ഇതിന്റെ പ്രത്യേകത.
സ്രവം എടുത്ത് പ്രത്യേക കിറ്റില്വച്ചു പരിശോധിക്കുന്നതോടെ നിമിഷങ്ങള്ക്കുള്ളില് മൊബൈല് ആപ്പില് ഫലം അറിയാന് സാധിക്കും. രണ്ടോ മൂന്നോ തുള്ളി സ്രവം പ്രത്യേക കസറ്റിലാക്കി മെഷീനില് റീഡ് ചെയ്യുന്നു.
ഈ റീഡറില് 2 വരെ ആണ് കാണുന്നതെങ്കില് ഫലം പോസിറ്റീവ് ആയിരിക്കും. നിര്മ്മിത ബുദ്ധിയുടെ സഹായത്തോടുകൂടി കൂടുതല് പേര്ക്ക് കോവിഡ് പരിശോധന നടത്താനാകുമെന്ന് പ്യുവര് ഹെല്ത്ത് സീനിയര് അക്കൌണ്ട് മാനേജര് റംസി ഹുസൈന് പറഞ്ഞു.
