ട്രംപ് ഭരണകൂടത്തിന്റെ പുതിയ വിദ്യാഭ്യാസ പദ്ധതി: രക്ഷിതാക്കൾക്ക് വലിയ ആശ്വാസമായി ‘നാഷണൽ സ്കൂൾ ചോയ്സ്’ ഓപ്ഷൻ
പി പി ചെറിയാൻ
വാഷിംഗ്ടൺ: അമേരിക്കയിലെ പ്രൈവറ്റ്, ഹോംസ്കൂൾ വിദ്യാർത്ഥികൾക്ക് ഫെഡറൽ സ്കോളർഷിപ്പുകൾ ലഭ്യമാക്കുന്നതിനുള്ള ‘എഡ്യൂക്കേഷൻ ഫ്രീഡം ടാക്സ് ക്രെഡിറ്റ്’ പദ്ധതി ട്രംപ് ഭരണകൂടം പ്രഖ്യാപിച്ചു.
അടുത്ത വർഷം ജനുവരി 1 മുതൽ നിലവിൽ വരുന്ന ഈ പദ്ധതി ചരിത്രത്തിലെ തന്നെ ഏറ്റവും വലിയ സ്കൂൾ ചോയ്സ് വിപുലീകരണമാണെന്ന് വിദ്യാഭ്യാസ സെക്രട്ടറി ലിൻഡ മക്മാഹൻ വ്യക്തമാക്കി.
കുട്ടികളുടെ ആവശ്യങ്ങൾക്കനുസരിച്ച് മികച്ച വിദ്യാലയങ്ങളോ പഠന സേവനങ്ങളോ ട്യൂഷനോ തിരഞ്ഞെടുക്കാൻ ഈ പദ്ധതി വഴി കുടുംബങ്ങൾക്ക് അവസരം ലഭിക്കും.
സ്‌കോളർഷിപ്പ് ഗ്രാന്റിംഗ് ഓർഗനൈസേഷനുകൾ (SGO) മുഖേനയാണ് ഫണ്ടുകൾ വിതരണം ചെയ്യുന്നത്.
ഇതിലൂടെ ദശലക്ഷക്കണക്കിന് കുട്ടികൾക്ക് അവരുടെ തപാൽ കോഡോ , കുടുംബ വരുമാനം തുടങ്ങിയ അതിരുകളില്ലാതെ മികച്ച വിദ്യാഭ്യാസം ഉറപ്പാക്കാൻ സാധിക്കുമെന്നാണ് ഭരണകൂടത്തിന്റെ വിലയിരുത്തൽ.
എന്നാൽ പദ്ധതിക്കെതിരെ അധ്യാപക യൂണിയനുകളിൽ നിന്നും ഇതിനകം വിമർശനങ്ങൾ ഉയർന്നിട്ടുണ്ട്.
