മനുഷ്യായുസ് വര്ദ്ധിപ്പിക്കാന് എലികളുടെ കരളില് നടത്തിയ പരീക്ഷണം വിജയമെന്ന് ശാസ്ത്രജ്ഞര്
ബാര്-ഇലാന് യൂണിവേഴ്സിറ്റി, യു.എസ്. നാഷണല് ഇന്സ്റ്റിറ്റ്യൂട്ട് ഓഫ് ഏജിംഗ്, ടെല് അവീവ് സര്വ്വകലാശാല എന്നിവിടങ്ങളിലെ ഗവേഷകര് ദീര്ഘായുസ്സ് പ്രോട്ടീന് എന്നറിയപ്പെടുന്ന എസ്ഐആര്ടി 6 ന്റെ അളവ് വര്ദ്ധിപ്പിച്ചുകൊണ്ടു പ്രായമായ എലികളുടെ കരളില് പ്രായവുമായി ബന്ധപ്പെട്ട കുറവിന്റെ പ്രധാന ലക്ഷണങ്ങള് മാറ്റിയെന്ന് വെളിപ്പെടുത്തി.
വാര്ദ്ധക്യവുമായി ബന്ധപ്പെട്ട ജൈവശാസ്ത്രപരമായ മാറ്റങ്ങള് എല്ലാറ്റിനുമുപരി ഒരു വണ്വേ സ്ട്രീറ്റ് ആയിരിക്കില്ല എന്നും ഡിഎന്എ ആര്ക്കിടെക്ചര് മാപ്പ് ചെയ്യുന്നതിനും തല് സമയം ജീന് പ്രവര്ത്തനം അളക്കുന്നതിനുമുളള നൂതന ഉപകരണങ്ങള് ഉപയോഗിച്ച് ഗവേഷണ സംഘം എസ്ഐആര്ടി6 നല്കിയ പ്രായമായ എലികളെ കുറിച്ച് പഠിച്ചു.
ഇത് വീക്കം, വാര്ദ്ധക്യം എന്നിവയുമായി ബന്ധപ്പെട്ട ജീനുകളെ നിശബ്ദമാക്കുന്നു. കരള് കലകളിലെ കോശങ്ങളിലെ പ്രായവുമായി ബന്ധപ്പെട്ട മാറ്റങ്ങള് റീവൈന്ഡ് ചെയ്യാന് കഴിയുമെന്ന് ശാസ്ത്രജ്ഞര് കണ്ടെത്തിയതായി ഗവേഷാംഗമായ പ്രൊഫ. ഹൈംകോഹന് പറഞ്ഞു.
ഞങ്ങള് ഒരു പഴയ കരള് എടുത്ത് അതിന്റെ ഡിഎന്എ ഓര്ഗനൈസേഷന് വളരെ പ്രായം കുറഞ്ഞ അവസ്ഥയിലേക്ക് പുനസ്ഥാപിച്ചു. കോഹന് പറഞ്ഞു.
ഇതുമൂലം വാര്ദ്ധക്യ പ്രക്രീയയ്ക്ക് അടിസ്ഥാനമായ അടിസ്ഥാന ജൈവ സംവിധാനങ്ങളെക്കുറിച്ചും വാര്ദ്ധക്യവുമായി ബന്ധപ്പെട്ട രോഗങ്ങളെ എങ്ങനെ വൈകിപ്പിക്കാമെന്നും തടയാമെന്നും കോഹന്റെ ലാബ് പര്യവേഷണം ചെയ്യുന്ന പരീക്ഷണത്തിനായി ഗവേഷകര് സാധാരണ എലികളെ എടുത്ത് അവയെ സ്വാഭാവികമായി 24 മാസം വരെ പ്രായമാകാന് അനുവദിച്ചു.
ഇത് മനുഷ്യരില് ഏകദേശം 70-80 വര്ഷം വരെ പ്രായത്തിനു തുല്യമാണ്. തുടര്ന്ന് എസ്ഐആര്ടി6 പ്രോട്ടീന്റെ അളവ് വര്ദ്ധിപ്പിച്ചു.
പരീക്ഷണം മൃഗങ്ങളിലും മനുഷ്യരിലും എസ്ഐആര്ടി6-ന്റെ കണ്ടെത്തല് ആരോഗ്യവും ദീര്ഘായുസ്സും വര്ദ്ധിപ്പിക്കാനുള്ള സാദ്ധ്യത കാണിക്കുന്നുവെന്ന് നേച്ചര് കമ്മ്യൂണിക്കേഷന്സില് പ്രസിദ്ധീകരിച്ച റിപ്പോര്ട്ടില് പറയുന്നു.
