അബോധാവസ്ഥയിലായിരിക്കുമ്പോഴും മനുഷ്യ മസ്തിഷ്കം ചുറ്റുമുള്ള ലോകത്തെ കാണുന്നുവെന്നു പഠനം
മനുഷ്യന് അബോധാവസ്ഥയിലായിരിക്കുന്ന അവസ്ഥയിലും മസ്തിഷ്ക ഭാഷ പ്രോസസ് ചെയ്യുന്നത് തുടരുമെന്നു ഗവേഷകര് പുതിയ പഠനത്തില് കണ്ടെത്തി.
ബെയ്ലര് കോളേജ് ഓഫ് മെഡിസിനിലെ ഗവേഷകര് അനസ്തേഷ്യ നല്കിയ രോഗികള്ക്ക് ഇപ്പോഴും തലച്ചോറിനുള്ളില് സങ്കീര്ണ്ണമായ ഭാഷാ പ്രവര്ത്തനത്തിന്റെ ലക്ഷണങ്ങള് കാണിക്കുന്നുണ്ടെന്നുള്ള തെളിവുകള് കണ്ടെത്തി.
മുമ്പ് കരുതിയിരുന്നതിനേക്കാള് അബോധാവസ്ഥയില് തലച്ചോറ് വളരെ സജീവവും കഴിവുള്ളതുമാണെന്ന് ഞങ്ങളുടെ കണ്ടെത്തലുകള് കാണിക്കുന്നു.
പഠന രചയിതാവ് ഡോ. സമീര് ഷോണ് പറഞ്ഞു. രോഗികള്ക്ക് പൂര്ണ്ണമായും അനസ്തേഷ്യ നല്കിയാലും അവരുടെ തലച്ചോര് അവരുടെ ചുറ്റുമുള്ള ലോകത്തെ വിശകലനം ചെയ്യുന്നതു തുടരുന്നു.
സങ്കീര്ണ്ണമായ മാനസിക പ്രവര്ത്തനങ്ങള് എന്ന നാഡീ ശാസ്ത്രത്തിലെ പ്രധാന ചോദ്യങ്ങളിലൊന്നില് പഠനം തുടങ്ങി ജനറല് അനസ്തേഷ്യയില് ശസ്ത്രക്രീയയ്ക്ക് വിധേയരായ അപസ്മാര രോഗികളെ ശാസ്ത്രജ്ഞര് നിരീക്ഷിച്ചു.
ഗവേഷകര് പ്രത്യേകം മെമ്മറിയും പഠനവുമായി ബന്ധപ്പെട്ട തലച്ചോറിന്റെ മേഖലയായ ഹിപ്പോകാമ്പസില് ശ്രദ്ധ കേന്ദ്രീകരിച്ചു.
പഠനത്തിന്റെ ഒരു ഘട്ടത്തില് ഇടയ്ക്കിടെയുള്ള അസാധാരണമായ സ്വരങ്ങള് തടസ്സപ്പെടുത്തി. ആവര്ത്തിച്ചുള്ള ശബ്ദങ്ങള് രോഗികള്ക്ക് അനുഭവപ്പെട്ടു.
ഹിപ്പോകാമ്പസിലെ ന്യൂറോണുകള്ക്ക് ശബ്ദങ്ങള് വേര്തിരിച്ചറിയാന് കഴിയുമെന്നും കാലക്രമേണ തലച്ചോറിന്റെ പ്രതികരണം മെച്ചപ്പെട്ടതായും ഗവേഷകര് കണ്ടെത്തി.
തുടര്ന്ന് ഗവേഷകര് രോഗികള്ക്കുവേണ്ടി ചെറു കഥകള് വായിച്ചു കേള്പ്പിച്ചു തലച്ചോറിന്റെ പ്രവര്ത്തനങ്ങള് രേഖപ്പെടുത്തി.
ഹിപ്പോകാമ്പസ് തല്സമയ ഭാഷാ സംസ്ക്കരണത്തിന്റെ ലക്ഷണങ്ങള് പ്രകടിപ്പിച്ചതായി റിപ്പോര്ട്ടുകള് പറയുന്നു.
അതില് നാമങ്ങള്, ക്രിയകള് നടന വിശേഷണങ്ങള് എന്നിവ തിരിച്ചറിയാനുള്ള കഴിവും ഉള്പ്പെടുന്നു. ഭാഷകള് സംസാരിക്കുന്നതിനു മുമ്പേ തന്നെ അവ മുന്കൂട്ടി അറിയാന് തലച്ചോറിനു കഴിവുണ്ടെന്ന് വെളിപ്പെടുത്തുന്ന തെളിവുകള് ഗവേഷകര് നിരീക്ഷിച്ചു
. ഉണര്ന്നിരിക്കുന്ന ജീവിതവുമായി അനസ്തേഷ്യയ്ക്ക് ബന്ധമുണ്ട്. ഈ കണ്ടെത്തലുകള് ഉറക്കത്തിനോ, കോമ അവസ്ഥയ്ക്കോ, മരണത്തോടടുത്ത അനുഭവങ്ങള്ക്കോ ബാധകമാണോ എന്നു വ്യക്തമല്ല.
നേച്ചര് ജേണലില് പ്രസിദ്ധീകരിച്ച റിപ്പോര്ട്ടില് പറയുന്നു.
