ഝാര്ഖണ്ഡില് പാസ്റ്റര് വെടിയേറ്റു മരിച്ചു
ഖുന്തി: ഝാര്ഖണ്ഡില് സ്വതന്ത്ര പെന്തക്കോസ്തു ചര്ച്ച് പാസ്റ്റര് അക്രമികളുടെ വെടിയേറ്റു മരിച്ചു.
ഖുന്തി ജില്ലയിലെ സന്ധിഹ് ഗ്രാമത്തില് സഭാ പ്രവര്ത്തനം നടത്തി വന്നിരുന്ന പാസ്റ്റര് ചാമു ഹസ്ദ പുര്ത്തി (54) ആണ് വെടിയേറ്റു മരിച്ചത്. ഒക്ടോബര് 12-ന് രാത്രിയില് ഒരു പ്രാര്ത്ഥനാ ഭവനത്തില് നില്ക്കുമ്പോഴാണ് ഒരു സംഘം ആളുകളെത്തി വെടിവച്ചു കൊലപ്പെടുത്തിയത്.
പാസ്റ്റര് ചാമു ഈ പ്രദേശത്തെ ഊര്ജ്ജസ്വലനായ സുവിശേഷ പ്രവര്ത്തകനാണ്. നാട്ടുകാരുടെ ഇടയില് പ്രിയങ്കരനുമായിരുന്നു ഇദ്ദേഹം. എന്നാല് ചില എതിര്പ്പുകളും ഉണ്ടായിരുന്നു.
സംഭവത്തെത്തുടര്ന്ന് പ്രതികളായ ചില വ്യക്തികളെ അറസ്റ്റു ചെയ്തതായി ലോക്കല് പോലീസ് മേധാവി അനീസ് ഗുപ്ത പറഞ്ഞു.
