ജെ. ബി. കോശി കമ്മീഷന് റിപ്പോര്ട്ട് പ്രസിദ്ധീകരിക്കും
തിരുവനന്തപുരം: കേരളത്തിലെ ക്രൈസ്തവ വിഭാഗങ്ങളുടെ പിന്നോക്കാവസ്ഥയെക്കുറിച്ച് പഠിക്കാന് നിയോഗിക്കപ്പെട്ട ജസ്റ്റിസ് ജെ ബി കോശി കമ്മീഷന് റിപ്പോര്ട്ട് തത്വത്തില് അംഗീകരിക്കാനും ഔദ്യോഗികമായി പ്രസിദ്ധീകരിക്കാനും മന്ത്രിസഭായോഗം തീരുമാനിച്ചു.
ഇതിനകം തീരുമാനമെടുത്ത ശിപാര്ശകള്ക്ക് പുറമെ 32 എണ്ണത്തിനു കൂടി മന്ത്രിസഭായോഗം തീരുമാനമെടുത്തു.
1947-നു മുമ്പ് ലത്തീന് കത്തോലിക്കാ വിശാസികളായി ചേര്ന്നവര്ക്കും അവരുടെ പിന്തലമുറക്കാര്ക്കും മാത്രമേ ലത്തീന് കത്തോലിക്കാ സമുദായ സര്ട്ടിഫിക്കറ്റ് ലഭിക്കാന് അര്ഹതയുള്ളു എന്ന നിബന്ധന അശാസ്ത്രീയമായതിനാല് ബന്ധപ്പെട്ട ബിഷപ്പുമാര് നല്കുന്ന സര്ട്ടിഫിക്കറ്റ് റവന്യു അധികാരികളുടെ അന്വേഷണത്തിനു സഹായകരമായതായി പരിഗണിക്കും.
പരിവര്ത്തിത ക്രൈസ്തവ കോര്പ്പറേഷന് കണ്ണൂരില് ഓഫീസ് തുറക്കും.
