രാജ്യത്തെ മാതൃ-ശിശു മരണനിരക്ക് കുറഞ്ഞതായി റിപ്പോര്ട്ട്
ന്യൂഡെല്ഹി: രാജ്യത്തെ മാതൃ മരണ അനുപാദം (എംഎം ആര്) 37 പോയിന്റ് കുറഞ്ഞതായി റിപ്പോര്ട്ട്.
2014-16-ല് ഒരു ലക്ഷം പ്രസവങ്ങള്ക്ക് 130 മരണം ആയിരുന്നത് 2019-21-ല് 93 ആയി കുറഞ്ഞു. 1990 മുതല് 2023 വരെ ആഗോള തലത്തില് ശിശു മരണ നിരക്ക് 48 ശതമാനം കുറഞ്ഞപ്പോള് ഇന്ത്യയില് 86 ശതമാനം കുറഞ്ഞു.
എസ്ആര്എസ് റിപ്പോര്ട്ട് പ്രകാരം രാജ്യത്തെ ശിശു മരണ നിരക്ക് 2014-ല് 1000 പേരില് 39 ആയിരുന്നു. 2021-ല് അത് 27 ആയി കുറഞ്ഞു.
സാമ്പിള് രജിസ്ട്രേഷന് സിസ്റ്റം (എസ്ആര്എസ്) അടിസ്ഥാനമാക്കിയ 2019-21-ലെ മാതൃ മരണത്തെക്കുറിച്ചുള്ള പ്രത്യേക ബുള്ളറ്റിന് പ്രകാരം 20-29 പ്രായമുള്ളവരിലാണ് ഏറ്റവും കൂടുതല് മാതൃ മരണ അനുപാദം റിപ്പോര്ട്ട് ചെയ്തത്.
ഒരു പ്രത്യേക കാലയളവില് ഒരു ലക്ഷം കുട്ടികള് ജനിക്കുമ്പോള് എത്ര മരണങ്ങള് സംഭവിക്കുന്നു എന്നതിനെ അടിസ്ഥാനമാക്കിയാണ് എംഎംആര് നിര്വ്വചിച്ചിരിക്കുന്നത്.
