മൂന്ന് വര്ഷത്തിനിടെ ഇന്ത്യയിലെ വിമാനങ്ങളില് 2,420 എണ്ണത്തിനും ഗുരുതര സാങ്കേതിക തകരാര്
ന്യൂഡെല്ഹി: മൂന്നു വര്ഷത്തിനിടെ ഇന്ത്യയിലെ വിമാന സര്വ്വീസുകളില് റിപ്പോര്ട്ട് ചെയ്തത് 2,420 എണ്ണത്തിനും ഗുരുതര സാങ്കേതിക തകരാറുകളെന്നു രാജ്യസഭയില് കേന്ദ്ര സര്ക്കാര്.
ഇതില് 2,197 എണ്ണവും ആഭ്യന്തര സര്വ്വീസുകളാണ്. സിപിഎം നേതാവ് ജോണ് ബ്രിട്ടാസിന്റെ ചോദ്യത്തിനുള്ള മറുപടിയിലാണ് ഈ വിവരങ്ങള്.
2023-26 കാലയളവില് എയര് ഇന്ത്യാ വിമാനങ്ങളിലാണ് കൂടുതല് തകരാറുകള് റിപ്പോര്ട്ട് ചെയ്തത്.
എയര് ഇന്ത്യ, എയര് ഇന്ത്യ എക്സ്പ്രസ് വിമാനങ്ങളില് ആകെ 984 തവണ തകരാറുകളുണ്ടായി. ആകാശ എയറില് 744 തവണയും ഇന്ഡിഗോയില് 306 തവണയും തകരാറുണ്ടായി.
2026-ല് മാത്രം റിപ്പോര്ട്ട് ചെയ്തത് 352 ഗുരുതര തകരാറുകളാണ്. ജൂണ്വരെയുള്ള കണക്കുകളാണിത്.
