സി.എസ്.ഐ. മൃതദേഹം ദഹിപ്പിക്കാം
കൊച്ചി: സി.എസ്.ഐ. സഭാ വിശ്വാസികളുടെ മൃതദേഹം ദിഹിപ്പിക്കാന് അനുമതി.
സി.എസ്.ഐ. കൊച്ചി മഹായിടവകയുടെ കീഴിലുള്ള വിശ്വാസികളുടെ മൃതദേഹം ശുശ്രൂഷകള്ക്കുശേഷം ദഹിപ്പിച്ച് അവശിഷ്ടങ്ങള് സെമിത്തേരിയില് അടക്കാമെന്നാണ് മഹായിടവക ബിഷപ്പ് ബി.എന് ഫെന്നിന്റെ അറിയിപ്പില് പറയുന്നത്.
എറണാകുളം, തൃശൂര് , പാലക്കാട്, ഇടുക്കി ജില്ലകള് ഉള്പ്പെട്ടതാണ് കൊച്ചി മഹായിടവക. മൃതദേഹം ദഹിപ്പിക്കുന്നതിനു നിയമതടസ്സമില്ലെന്നു വൈദിക സെക്രട്ടറി റവ. ജേക്കബ് ജോണ് , അല്മായ സെക്രട്ടറി ഏബ്രഹാം സൈമണ് എന്നിവര് അറിയിച്ചു.
