എഐ നിയന്ത്രണത്തിന് ഒരു ഏക ലോക ഗവണ്മെന്റ് സൃഷ്ടിക്കപ്പെട്ടേക്കാമെന്ന് ശതകോടീശ്വരന്‍ പീറ്റര്‍ നീല്‍
കൃത്രിമ ബുദ്ധിയുടെ വളര്‍ച്ചാ കുതിപ്പില്‍ ലോകം ആശങ്കപ്പെടുന്നതിനിടെ വളരെ ചിന്തനീയമായ മറ്റൊരു ആശങ്കകൂടി പങ്കുവെയ്ക്കുകയാണ് ടെക് നിക്ഷേപകനും ശതകോടീശ്വരനുമായ പീറ്റര്‍ നീല്‍.
മത്യാസ് ഡോഫ്നറുമായുള്ള ഒരു വിശാലമായ അഭിമുഖത്തില്‍ എഐ വികസനം വളരെ വേഗത്തില്‍ നീങ്ങുന്നുവെന്നും അത് ഒടുവില്‍ മനുഷ്യന്റെ നിയന്ത്രണത്തില്‍നിന്ന് രക്ഷപെടുമെന്നുമുള്ള ആശങ്കകള്‍ നീല്‍ ഉന്നയിച്ചു.
സൈദ്ധാന്തികമായി ലോകമെമ്പാടും ആത്മാര്‍ത്ഥതയും ആഴത്തിലുള്ളതുമായ സഹകരണം ഉണ്ടെങ്കില്‍ നിങ്ങള്‍ക്ക് ഇത് മന്ദഗതിയിലാക്കാന്‍ കഴിയും.
നീല്‍ പറഞ്ഞു. അത്തരം സഹകരണത്തിന് അന്താരാഷ്ട്ര സമ്മേളനങ്ങളേക്കാളോ സ്വമേധയാ ഉള്ള കരാറുകളേക്കാളോ വളരെയധികം ആവശ്യമാണ്.
അതിന് യഥാര്‍ത്ഥ ശക്തിയും ബലവുമുള്ള ഒരു ഏക ലോക ഗവണ്മെന്റ് ആവശ്യമാണെന്ന് ഞാന്‍ കരുതുന്നു.
നീല്‍ ആ നിര്‍ദ്ദേശിച്ച പരിഹാരത്തെ ശക്തമായിത്തന്നെ നിരസിച്ചു. എന്റെ ക്ളാസിക്കല്‍ ലിബറല്‍ ഭാഗം കരുതുന്നത്, തീയിലേക്ക് വറചട്ടി വെയ്ക്കുന്നതുപോലെയാണ്.
രോഗത്തേക്കാള്‍ മോശമായ ഒരു ചികിത്സയാണിത്. ഒരു വ്യാജ ആഗോള ഗവണ്മെന്റ് ഉണ്ടാകാം. അവിടെ നമുക്ക് അതിനെക്കുറിച്ച് ചര്‍ച്ച ചെയ്യാന്‍ ധാരാളം സമ്മേളനങ്ങള്‍ ഉണ്ടാകും.
പുറത്തുവരുന്ന പൊള്ളയായ പ്രസ്താവനകള്‍ ധാരാളം ഉണ്ടാകും നീല്‍ പറഞ്ഞു.
