പുരാതന ഡിഎന്എയില് ഈജിപ്റ്റും മൊസൊപ്പൊട്ടോമിയയും തമ്മിലുള്ള ജനിതക ബന്ധത്തിന്റെ തെളിവുകള് കണ്ടെത്തി
വാഷിംഗ്ടണ്: പുരാതന ഈജിപ്റ്റിലെയും മൊസൊപ്പൊട്ടോമിയയിലെയും സംസ്ക്കാരങ്ങള് തമ്മിലുള്ള ജനിതക ബന്ധം തെളിയിക്കുന്ന പഠന റിപ്പോര്ട്ട് പുറത്ത്.
4,495നും 4,869നും ഇടയില് പഴക്കമുള്ള ഈജിപ്ഷ്യന് ശവ കുടീരത്തിലെ സീല് ചെയ്ത ശവസംസ്ക്കാര പാത്രത്തില്നിന്നു കണ്ടെത്തിയ ശ്രദ്ധേയമായി നന്നായി സംരക്ഷിക്കപ്പെട്ട ഒരു അസ്ഥികൂടത്തിന്റെ പല്ലുകളില്നിന്ന് ഗവേഷകര് മുഴുവന് ജിനോമുകളും ക്രമീകരിച്ചു.
ജിനോമിന്റെ അഞ്ചില് നാല് ഭാഗവും വടക്കേ ആഫ്രിക്കയുമായും ഈജിപ്റ്റിനു ചുറ്റുമുള്ള പ്രദേശവുമായും ബന്ധപ്പെട്ടിരിക്കുന്നുവെന്ന് കണ്ടെത്തി.
എന്നാല് ജിനോമിന്റെ അഞ്ചിലൊന്ന് മെസൊപ്പൊട്ടോമിയന് നാഗരികത തഴച്ചു വളര്ന്ന ഫലഭൂയിഷ്ടമായ ചന്ദ്രക്കല എന്നറിയപ്പെടുന്ന ടൈഗ്രീസ് യൂഫ്രട്ടീസ് നദികള്ക്കിടയിലുള്ള മധ്യപൂര്വ്വ ദേശവുമായി ബന്ധമുണ്ടെന്ന് കാണിച്ചു.
ഈ കണ്ടെത്തല് വളരെ പ്രാധാന്യമര്ഹിക്കുന്നു. കാരണം മുന് പഠനങ്ങളില് സൂചന ലഭിച്ചതിന്റെ നേരിട്ടുള്ള തെളിവാണിത്. ബ്രിട്ടീഷ് മ്യൂസിയത്തിലും ഈജിപ്റ്റിന്റെയും സുഡാനിന്റെയും ക്യുറേറ്റര് ഡാനിയേല് അന്റോയന് പറഞ്ഞു.
ഊജിപ്റ്റും മെസൊപ്പൊട്ടോമിയയും തമ്മിലുള്ള വ്യാപാര ബന്ധങ്ങള്, മണ്പാത്ര നിര്മ്മാണ സാങ്കേതിക വിദ്യകള്, ചിത്ര രചനാ സബ്രദായങ്ങള് എന്നിവയിലെ സമാനതകള് എന്നിവ മുന്കാല പുരാവസ്തു തെളിവുകള് തേളിയിച്ചിട്ടുണ്ട്.
ദന്ത ഘടനകളിലെ സാമ്യങ്ങള് പൂര്വ്വിക ബന്ധങ്ങളെ സൂചിപ്പിക്കുന്നുണ്ടെങ്കിലും പുതിയ പഠനം ജനിതക ബന്ധങ്ങളെ വ്യക്തമാക്കുന്നു. സംസ്ക്കാരങ്ങളുടെയും ആശയങ്ങളുടെയും മാത്രമല്ല ആളുകളുടെയും ചലനത്തെ സുഗമമാക്കുന്ന ഒരു പുരാതന സൂപ്പര് ഹൈവേയായി നൈല് നദി പ്രവര്ത്തിച്ചിരിക്കാന് സാദ്ധ്യതയുണ്ട്.
അന്റോയിന് പറഞ്ഞു. നുഹൈത്തിലെ പുരാവസ്തു ഗവേഷണ സ്ഥലത്തുള്ള ഒരു ഈജിപ്ഷ്യന് ശവകുടീര സമുച്ചയത്തില് പാറക്കെട്ടുകളുള്ള ഒരു കുന്നിന് ചെരുവില് നിന്ന് കൊത്തിയെടുത്ത ഒരു അറയ്ക്കുള്ളിലാണ് അസ്ഥികൂടം കണ്ടെത്തിയത്. അസ്ഥികൂടത്തിലെ തേയ്മാനത്തിന്റെയും പ്രത്യേക സന്ധികളിലെ സന്ധിവാതത്തിന്റെയും വിശകലനം സൂചിപ്പിക്കുന്നത് ദന്ത മനുഷ്യന് 60 വയസ്സുള്ള ആളായിരിക്കാമെന്നും ഒരു മണ്പാത്ര നിര്മ്മാതാവായി ജോലി ചെയ്തിരിക്കാമെന്നും ലിവര്പൂള് ജോണ് മൂര്സ് സര്വ്വകലാശാലയിലെ സഹ എഴുത്തുകാരനും ബയോ ആര്ക്കിയോളജിസ്റ്റുമായ ജോയല് ഐറിഷ് പറഞ്ഞു.
പുരാതന ഈജിപ്റ്റിലെ പഴയ സാമ്രാജ്യത്തിന്റെ ആരംഭത്തിനു തൊട്ടു മുമ്പോ അതിനടുത്തോ ആണ് ആ മനുഷ്യന് ജീവിച്ചിരുന്നത്. നമുക്കറിയാവുന്ന പുരാതന ഈജിപ്റ്റിന്റെ രൂപീകരണ കേന്ദ്രീകരണ ശക്തി ആരംഭിച്ച സമയമാണിത്. അബാര് ഡീന് സര്വ്വകലാശിലയിലെ പാലിയോളജിസ്റ്റായ സഹ രചയിതാവ് ലിനസ് ഗിര്ഡ്ലിന്ഡ് ഫ്ലിങ്ക് പറഞ്ഞു. ഏതാണ്ട് ഇതേ സമയത്ത് സുമേറിയന് നാഗരികത മെസൊപ്പൊട്ടോമിയയില് വേരൂന്നുകയും ക്യൂണിഫോം ഒരു എഴുത്തു സബ്രദായമായി ഉയര്ന്നു വരികയും ചെയ്തു. രണ്ട് സാംസ്ക്കാരിക കേന്ദ്രങ്ങള്ക്കിടയിലുള്ള ചലനങ്ങളുടെ വ്യാപ്തിയും സമയവും വ്യക്തമായി മനസ്സിലാക്കാന് മറ്റ് പുരാതന ഡിഎന്എ സാമ്പിളുകളുടെ വിശകലനം ആവേശമുണര്ത്തുന്നുവെന്ന് ഗവേഷകര് പറഞ്ഞു. നേച്ചര് ജേണലിലാണ് ഗവേഷണ റിപ്പോര്ട്ട് പ്രസിദ്ധീകരിച്ചത്.
