ബൈബിളില് പ്രസ്താവിച്ചിരിക്കുന്ന ശീമോന് ആഭിചാരക്കാരന്റെ ജന്മസ്ഥലം ഗവേഷകര് കണ്ടെത്തി
ബൈബിളില് അപ്പോസ്തോലപ്രവര്ത്തിയുടെ പുസ്തകത്തില് പ്രസ്താവിച്ചിരിക്കുന്ന ആഭിചാരക്കാരനായ ശീമോന്റെ ജന്മസ്ഥലം പുരാവസ്തു ഗവേഷകര് കണ്ടെത്തി.
യിസ്രായേല് ആന്റിക്വിറ്റീസ് അതോറിട്ടി (ഐഎഎ)യുടെ ഗവേഷകര് പുരാതന ശമര്യ പ്രദേശമായ പെറ്റാച്ച് ടിക്വയ്ക്ക് സമീപമുള്ള കാഫര് ഖാസിമില് നടത്തിയ ഉല്ഖനനത്തില് നിരവധി വലിയ മുറികളും പുരാതന കൃഷിയുടെ തെളിവുകളുമുള്ള ഒരു വലിയ സമുച്ചയം കണ്ടെത്തിയിട്ടുണ്ട്.
ഇവിടം ആഭിചാരകന് ശീമോന്റെ (അപ്പോ. പ്രവൃ. 8:9-12) പിന്ഗാമിയായ ശമര്യന് മാന്ത്രികന് മെനാന്ഡറിന്റെ ജന്മസ്ഥലമാണിതെന്ന് പുരാവസ്തു ഗവേഷകര് തെളിവുകള് സഹിതം വിവരിക്കുന്നു.
ശമര്യ എന്നു തിരിച്ചറിഞ്ഞതും ഏകദേശം 1600 വര്ഷം പഴക്കമുള്ളതുമായ ഈ എസ്റ്റേറ്റ് ഐഎഎയുടെ നേതൃത്വത്തില് ഖനനം നടത്തി വരികയായിരുന്നു.
പലപ്പോഴും സംഭവിക്കുന്നതുപോലെ പുതിയ കെട്ടിടങ്ങള് നിര്മ്മിക്കാന് ആഗ്രഹിക്കുന്നവര് മതപരമായ അനുമതി തേടിയിരുന്നു.
നിര്മ്മാണം ആരംഭിക്കുന്നതിനു മുമ്പ് ഉപരിതലത്തിനടിയില് എന്താണ് ഉള്ളതെന്ന് കാണുവാന് ഉള്ള കുഴിയെടുക്കാന് ഉത്തരവിട്ടു. പുരാവസ്തു കേന്ദ്രമായ കാഫര് വിട്ടയുടെ അതിര്ത്തിക്കുള്ളില് വരുന്ന സ്ഥലത്ത് പുരാവസ്തു വകുപ്പ്, ഭവന മന്ത്രാലയം എന്നിവ ധനസഹായം നല്കിയിരുന്നു.
ഖനനം തുടങ്ങിയപ്പോള് മനോഹരമായ മെനൈയോറകള് ഉള്ക്കൊള്ളുന്ന ഒന്നിലധികം കെട്ടിടങ്ങളും നന്നായി സംരക്ഷിക്കപ്പെട്ടിരുന്ന ആചാരപരമായ കുളിമുറികളും കണ്ടെത്തിയിട്ടുണ്ട്.
റോമക്കാരുടെ കാലം മുതല് ബൈസെന്റൈന് വരെ എഡി നാലാം നൂറ്റാണ്ടു മുതല് ഏഴാം നൂറ്റാണ്ടു വരെ അഭിവൃദ്ധി പ്രാപിച്ച ഒരു ശമര്യന് സമൂഹത്തിന്റെ ഭാഗമായി എസ്റ്റേറ്റ് അവശിഷ്ടങ്ങള് കാണാന് കഴിഞ്ഞു.
മൊസൈക് തറയില് ഇടതൂര്ന്ന ജാമതീയ മാതൃകയും സസ്യജാലങ്ങളുടെ ചിത്രീകരണങ്ങളും ഉണ്ടായിരുന്നു.
