കണ്ണുനീരിന്റെ അളവ് കുറഞ്ഞാല് കണ്ണിന് ദോഷം ചെയ്യും
ജീവിതത്തില് ഒരു തുള്ളി കണ്ണീരെങ്കിലും പൊഴിക്കാത്തവര് ആരുമില്ല. കാരണം ദൈവം കനിഞ്ഞു നല്കിയ ഒരു അനുഗ്രഹമാണ് കണ്ണീര് .
കണ്ണിന്റെ വരള്ച്ചയ്ക്ക് പ്രധാന കാരണം അവയില് ബാഷിപീകരണവും, കണ്ണീരിന്റെ അളവ് കുറയുന്നത് നിമിത്തവും കണ്ണിലെ നേര്ത്ത പാളിക്കുണ്ടാകുന്ന തകരാറുമാണ്. കണ്ണിലെ എരിച്ചില് , ചൊറിച്ചില് , ചുവപ്പ്, തളര്ച്ച, കാഴ്ച മങ്ങല് തുടങ്ങിവയാണ് വരണ്ട കണ്ണിന്റെ ലക്ഷണങ്ങള് .
തുടര്ച്ചയായി മൊബൈല് ഫോണ് , ടിവി, കമ്പ്യൂട്ടര് എന്നിവയുടെ ഉപയോഗം, കോണ്ടാക്ട് ലെന്സ് ഉപയോഗം, വൃത്തി ഹീനത എന്നിവ വരള്ച്ചയെ ശക്തമാക്കും. നല്ല വെളിച്ചമുള്ള മുറിയിലായിരിക്കണം കമ്പ്യൂട്ടറും, ടിവിയുമൊക്കെ ക്രമീകരിക്കാന് .
കണ്ണുകള്ക്ക് ആവശ്യമായ വിശ്രമം നല്കണം. പൊടിപടലങ്ങളുള്ള ഔട്ട്ഡോറിലാണ് ജോലിയെങ്കില് കണ്ണട നിര്ബന്ധമായും ധരിക്കണം.
കണ്ണു മൂടുന്ന തരത്തിലുള്ള കണ്ണടകള് ധരിക്കണം. ഒമേഗ 3 ഫാറ്റി ആസിഡുകള് അടങ്ങിയ ഭക്ഷണം കഴിക്കക്കുന്നത് വരള്ച്ചയെ ചെറുക്കുന്നു. കണ്ണുകളുടെ ആരോഗ്യത്തിന് കൃത്യമായ ഉറക്കവും ആവശ്യമാണ്.
