എഐ ജോലി നഷ്ടപ്പെടുത്തുക മാത്രമല്ല, ഇനി ജോലിയും കണ്ടെത്തിത്തരും
നിര്‍മ്മിത ബുദ്ധിയുടെ കാലഘട്ടത്തില്‍ നമ്മള്‍ ഭയക്കുന്നത് എഐയെത്തന്നെയാണ് എന്ന ചിന്ത നമ്മെ ഭരിക്കാന്‍ തുടങ്ങിയിട്ട് അധികകാലമായിട്ടില്ല. കാരണം എഐയുടെ സാന്നിദ്ധ്യം മനുഷ്യര്‍ക്ക് തൊഴില്‍ സാദ്ധ്യത ഇല്ലാതാക്കുമെന്ന് വ്യാപകമായ ഭീതി നിലനില്‍ക്കെ ആഹ്ളാദകരമായ ഒരു വാര്‍ത്ത എഐയെക്കുറിച്ച് പുറത്തുവന്നിരിക്കുകയാണ്.
നമ്മുടെ ജോലി സാദ്ധ്യത നഷ്ടപ്പെടുത്തുമെന്ന് ഭയപ്പെടുത്തുന്ന അതേ എഐ തന്നെ ജോലിയും കണ്ടെത്തിത്തരും. ഉദ്യോഗാര്‍ത്ഥികളെയും കമ്പനികളെയും തമ്മില്‍ ബന്ധിപ്പിക്കുക എന്ന ജോലിയാണ് എഐ ഏറ്റെടുത്തിരിക്കുന്നത് എന്നാണ് പുതിയ വാര്‍ത്തകള്‍.
ഉദ്യോഗാര്‍ത്ഥികളെ അവരുടെ കഴിവിനനുസരിച്ച് അനുയോജ്യമായ കമ്പനികളുമായി കൂട്ടിച്ചേര്‍ക്കുന്നതിന് എഐ ഒരു മീഡിയേറ്ററായി പ്രവര്‍ത്തിക്കുന്നു.
പ്രമുഖ എഐ കമ്പനിയായ ഓപ്പണ്‍ എഐയാണ് ഈ പ്ളാറ്റ്ഫോം അവതരിപ്പിക്കുന്നത്. നിര്‍മ്മിത ബുദ്ധി അധിഷ്ഠിതമായ പുതിയ തൊഴില്‍ പ്ളാറ്റ്ഫോമാണ് ഓപ്പണ്‍ എഐ വികസിപ്പിക്കുന്നത്.
2026 മദ്ധ്യത്തോടെ ആരംഭിക്കാന്‍ പോകുന്ന ഈ പ്ളാറ്റ്ഫോം ഓപ്പണ്‍ എഐ ജോബ്സ് പ്ളാറ്റ്ഫോം എന്നാണ് അറിയപ്പെടുന്നത്.
എല്ലാവര്‍ക്കും തുല്യ അവസരങ്ങള്‍ ലഭ്യമാക്കുക എന്ന ലക്ഷ്യത്തോടെയാണ് പ്ളാറ്റ്ഫോം രൂപകല്‍പ്പന ചെയ്തിരിക്കുന്നത്.
വലിയ കമ്പനികളെ മാത്രമല്ല ലക്ഷ്യമാക്കുന്നത് ചെറിയ സ്ഥാപനങ്ങള്‍ക്കും കമ്മ്യൂണിറ്റി സംഘടനകള്‍ക്കും അവര്‍ക്ക് ആവശ്യമായ എഐ ഏജന്റുമാരെ നിയമിക്കാനുള്ള അവസരം ഇത് സാദ്ധ്യമാക്കുമെന്ന് കമ്പനി അവകാശപ്പെടുന്നു.
