യിസ്രായേലിനെ ഭൂപടത്തില്‍നിന്നും മായിച്ചു കളഞ്ഞത് എന്‍സൈക്ളോപീഡിയ ബ്രിട്ടാനിക്ക തിരുത്തി
ലണ്ടന്‍: യിസ്രായേലിനെ പലസ്തീന്‍ എന്നു ലേബല്‍ ചെയ്ത ഒരു ഭൂപടം എന്‍സൈക്ളോപീഡിയ ബ്രിട്ടൈനിക്ക തിരുത്തി.
ബ്രിട്ടാനിക്ക കിഡ്സ് വെബ്സൈറ്റില്‍ പ്രസിദ്ധീകരിച്ച ഭൂപടത്തില്‍ യോര്‍ദ്ദാന്‍ നദിക്കും മെഡിറ്ററേനിയന്‍ കടലിനും ഇടയിലുള്ള മുഴുവന്‍ പ്രദേശവും പലസ്തീന്‍ എന്നു കാണിച്ചിരുന്നു.
യിസ്രായേലിനെക്കുറിച്ച് പരാമര്‍ശമില്ലാതിരുന്ന ഭൂപടത്തോടൊപ്പമുള്ള അടിക്കുറിപ്പ് ഇങ്ങനെയായിരുന്നു "പലസ്തീന്‍ എന്ന പേര്‍ മദ്ധ്യപൂര്‍വ്വ ദേശത്തെ ഒരു പ്രദേശത്തെയാണ് സൂചിപ്പിക്കുന്നത്. യോര്‍ദ്ദാന്‍ നദിക്കും മെഡിറ്ററേനിയന്‍ കടലിനും ഇടയിലുള്ള പ്രദേശമാണിത്''
യിസ്രായേലിനെ പലസ്തീന്‍ എന്ന് അടയാളപ്പെടുത്തിയ ബ്രിട്ടാനിക്ക കിഡ്സിന്റെ ഭൂപടത്തെ യു.കെ. ലോയേഴ്സ് ഫോര്‍ യിസ്രായേല്‍ വിമര്‍ശിച്ചു.
ദി ടെലഗ്രാഫ് നടത്തിയ അന്വേഷണത്തെത്തുടര്‍ന്ന് ബ്രിട്ടാനിക്ക ഭൂപടം പുതുക്കി ഇങ്ങനെ രേഖപ്പെടുത്തി. ഇന്ന് യിസ്രായേല്‍ രാഷ്ട്രം വെസ്റ്റ് ബാങ്ക്, ഗാസ മുനമ്പ് എന്നിവ ഈ പ്രദേശത്താണ് സ്ഥിതി ചെയ്യുന്നത്.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ