രാജവാഴ്ച വേണം; ഹിന്ദുരാഷ്ട്രമാക്കുക: നേപ്പാളില്‍ വന്‍ മാര്‍ച്ച്
കാഠ്മാണ്ഠു: നേപ്പാളില്‍ രാജവാഴ്ച തിരികെ കൊണ്ടുവരിക, ഹിന്ദു രാഷ്ട്രമാക്കുക എന്നീ ആവശ്യങ്ങളുന്നയിച്ചുകൊണ്ട് തലസ്ഥാന നഗരിയായ കാഠ്മാണ്ഠുവില്‍ രാഷ്ട്രീയ പ്രജാതന്ത്ര പാര്‍ട്ടി (ആര്‍പിപി) പ്രവര്‍ത്തകരുടെ മാര്‍ച്ച്.
പ്രധാനമന്ത്രിയുടെ വസതിയും പാര്‍ലമെന്റ് സ്ഥിതിചെയ്യുന്ന അതീവ സുരക്ഷാ മേഖലയിലായിരുന്നു മാര്‍ച്ച് നടന്നത്.
രാജവാഴ്ച പുനസ്ഥാപിക്കുക, നേപ്പാളിനെ ഹിന്ദു രാജ്യമാക്കുക തുടങ്ങിയ മുദ്രാവാക്യങ്ങളുയര്‍ത്തിക്കൊണ്ടായിരുന്നു 1500 ലേറെ ആര്‍പിപി പ്രവര്‍ത്തകര്‍ പാര്‍ട്ടി ചെയര്‍മാന്‍ രാജേന്ദ്ര ലിംഗ്വെനിന്റെ നേതൃത്വത്തില്‍ മാര്‍ച്ച് നടത്തിയത്.
മുതിര്‍ന്ന നേതാക്കളും പോലീസ് ഐജി തുടങ്ങിയവര്‍ പങ്കെടുത്തു. ആയിരക്കണക്കിനു പോലീസുകാരെ വിന്യസിച്ചിരുന്നു.
ഇന്നലെ നടന്ന പ്രകടനം സമാധാനപരമായിരുന്നു. പ്രവേശനം നിഷേധിക്കപ്പെട്ട മേഖലയിലേക്ക് പ്രവേശിച്ച ആര്‍പിപി ചെയര്‍മാന്‍ ഉള്‍പ്പെടെ 7 പേരെ പോലീസ് അറസ്റ്റു ചെയ്തു.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ